LEGALIZUIME RROMENGO BEŠIMASKO THAN ANDE GUVERNA ODŽACI

Guverna Odžaci arakhadolpe ando paščimasko Bačkako kotor, pe levo bairi Dorjavesko ando lundžipe katar 9,5 km. Teritorijalno pripadil paščimasko-bačkaće okrugoske AP Vojvodinako.

 

Trujardisardi si guvernenca Apatin, Sombor, Kula, Vrbas, Bačka Palanka thaj Bač, a pašo Dorjav kranguilpe e Republikava Kroacijava.

 

Teritorija guvernaći Odžaci buhljarelpe po kotor katar 41.115,89 ha thaj po baripe teritorijako čhutini si ande majcîkne guverne ande Vojvodina. Pe rezultaturja ramosaripeske forutnenđe andar 2023. brš ande guverna Odžaci trail 30 196 forutne, so si pale 5 386 forutne majcîra katar o ramosaripe forutnengo andar 2022. brš.

 

Pe teritorija guvernako Odžaci čačimava ćerdape but andar kala angrusnimata save đindine. Majbaro sukceso ćerdape palo bešipe. Misal pale kava si legalizacija Rromane bešimaske thanesko ande Deronja e alaveja “Čerga”.

 

Ando sićimasko kotor ande nakhle pandž brš nakhavenpe e nape andar LAP-o, a godova si ivja užina pale Rromane čhavorra thaj ćinipe pustikengo pale čhavra save džan ando sićimasko than. Jekh data ando brš đes inkalas o konkurso pale lovenđi nadoknada-lačhipe pale sikle maškarutne sikavne thanesko, talentuime Rromane čhavrengo, sar vi pale studenturja Rromane nacionosko.