ZURALIPE BITHAGARIMASKE SEKTOROSKE BUĆIMATA

O konkurso sas ramosardo katar e rig Pokrajinaće sekretarijatoski pale bući, bućaripe thaj bijandimasko jekhipe. Sasto kučipe konkursosko si 4 milionurja dinarja, a e vastušeja si usmerime pale projekturja 29 organizacijengo.

 

Kana boldelpe po majsigo džanglipe Sekretarijatosko pale bući ando angrusnipe Sektorosko palo majlačharipe statusosko e Rromengo liparda semno thaj efekturja te inzarelpe institucionalno zuralipe Rromane nacionalno ćidipeske ande averčhandutne angrusnimata e trajetoske.

 

- Kupatebućaripe e bithagarimaske sektorova ande nekozom nakhle brš si lačhimaski, kaj savorrenđe si jasno kaj cîkne vastušejenca šaj te aresenpe lačhe rezultaturja, majanglal, po lokalno nivelo. Paše godova, o Sekret rijato ande agorutne brš nakhavel aktivno politika palo bućaripe e Rromengo, trujal subvencije palo korkorrobućaripe thaj trujal konkursurja pale javne buća.

 

Ando kupatebućaripe e guvernenca ande Pokrajina, uladinepe e vastušeja te ćinenpe e lila thaj školako priboro pale Rromane čhavorra, ćerdinepe lokalne akcijaće planurja ando kupatebućaripe varesave lokalne korkorroortuimatenca. Ande pandž guverne si finansirime e bući koordinatoreski pale Rromenđe phučimata. Katar posebno semno si o čačipe kaj si ando kava brš ramome o čhinadipe trine guvernenca ande Vojvodina palo majlačharipe kišlipenengo palo bešipe e Rromengo thaj Rromnjengo – Inđija, Kovin thaj Odžaci, vaćarda e ažutimatarka voj.