E asistencija katar e romane učenikuja del majlačhe rezultatuja

O sićope sar majimportantno segmento strategijako pala o me lačho položaj e romengo thaj romnjengo si maj sig de sa, pala o ciljo te e čhavren thaj e ternen Romen uključil ando obrazovno sistemo amare phujako. Odolaći si e pozicija pedagoške asistentengo ande fundoske sikavne importantno, thaj len si but bare bućimata thaj uloga.

 

Ćerdam svato e Gijametasa, savi si pedagoško asistentkinjasa ande osnovno škola "Petar Petrović Njegoš” ando Zrenjanin, savi dija ande rig e pažnja pe aresle rezultatuja kotar romane čhavora, savenđe svako đes pružilpe asistencija ando sićope.

 

- E pedagoške asistentuja maj sigo de sa, pružin pomoć thaj podrška e čhavrenđe ando sićope, te šaj savladin o gradivo. Isto, amaro zadatko si te sarađuisaras e čhavrenđe roditeljenca, e nastavnikonca thaj stručne službenca e školaće sar vi sa e relevantne institucijenca po lokalno thaj nacionalno nivo. Amari asistencija konkretno ande škola "Petar Petrović Njegoš" si katar baro značaj, godolese ke e čhavrenđe savenđe delpe svako đive asistencija pri o sićope, den but me but lačhe rezultatuja nego anglal.

 

Pe amaro phučimos , da li si o obrazovanje jedino drom đži ke maj sigo integracija kotar Roma, ali vi sasto društvosko, e Ganimeta Zejnula phenda:

 

- Obrazovanje si važno pala svako manuš, bez obzira pe leski nacionalno pripadnost, a ka Roma si godava još me but importanto. Kroz o obrazovanje e Rromane čhavra steknin lačhi socijalizacija savi obezbedila lenđe skladnijo thaj kvalitetnijo trajo. Sa kala segmentuja si but bitne palaj izgradnja majlačhi pozicija ando društvo.

 

Ande osnovno šlola "Petar Petrović Njegoš" ando Zrenjanin džal 130 učenikuja save si Roma. E pedagoško asistentkinja phenel ke bi e roditeljenđi podrška, e čhavrengo uspeho naštil te avel po zavidno nivo.

 

- E saradnja e roditeljenca si katar o presudno značaji. E prosvetne radnikuja ali vi me lenca, das sa amendar te e čhavrenđe pružis majlačho vaspitanje thaj obrazovanje, ali bez podrška e roditeljenđi či avena ažućarde rezultatuja. Mungro zadatko si maškar ostalo te zurarav e roditeljen, te osvestiv len kazom si o obrazovanje lenđe čhavrengo importantno.

Prema e svatuja katar e pedagoško asistentkinja, baro brojo romane čhavengo džal po izborno predmeto "Romski jezik sa elementima nacionalne kulture."

 

- Ande amari škola od 2017. berš uvedime si o izborno predmeto "Romski jezik sa elementima nacionalne kulture", thaj baro brojo čhavrengo duj drom nedeljno džal pe kava sikavno. Kava predmeto si but importantno, na samo palaj Rromane čhavra nego vi palaj sa e učenikuja, ke dok ašunen kava predmeto von šaj maškar peste te upoznajinpe majlačhe, te steknin neve saznanjura katar jek razvijime kultura thaj tradicija savi si e romani.

 

E statističke podatkuja katar o Ministarstvo prosvete thaj tare Asocijacija pedagoške asistentonengo phenen ke ande škole ande kaj si angažujime asistento palaj nastava, e rezultatuja ka romane učenikuja si štar drom me lačhe. E asistentuja či pomožin samo e učenikonđe ando okviri e šlolako, von obilazin e roditeljen, ćeren svato sa e nadležne lokalne institucijenca thaj gajda den piro maksimum, von uspin te o obrazovanje e romane čhavrengo vazden pe me baro nivelo. E međunarodne organizacije phenen ke si e pozicija katar o pedagoško asistento ande fundoske sikavne jek katar majimportantno ando sasto proceso integracijako e Romenđi ande Srbija.