ZURJAVIPE PALE RROMANE STUDENTURJA

Romaversitas Srbija ando kamipe inćarel te avel ando kontakto thaj te zurjavel rromane studenturja sa jekh vrjama ando lengo sićope. Godova sikavel kaj e Romaversitas Srbija ažućarela rromane studentonenđe ando proceso savo inđarel džiko lengo gatisaripe sikavimasko thaj zumavela te zurjavel len te talo gatisaripe studijengo araćhen bućaripe.

 

Pe promocija sas e manuša andar Rromano sikavimasko fondo, Studentska unija Srbijaći, Infopolis – ternimasko info centro thaj e studenturja katar vuče sikavne thana thaj fakulteturja. E studenturja ašundine e informacije save si phangle palo projekto thaj so lenđe formalne thaj neformalne partnerja den kana si ando pučhipe sićope terne rromengo.

 

Sikada bahtalipe kaj ande majbut kotora inćaren aresimasko khetanimasko bućaripe e Vojvodinaće rromane centrosa pale demokratija thaj sa ćidimatenca save zurjaven sićope thaj sastipe e Rromengo. Vo inkalda kaj e Rroma inćaren zurjavipe katar Zavodo thaj mothoda kaj maksimalni ažutila lenđe krozal kola manuša save inćarena sikadimata, o than thaj sar logistikano zurjavipe palo sasto projekto.

 

O studento katar vučo sikavno than pale vinaja ando foro Vršac, Biljana Ređepović, motho- da kaj avili pe promocija sar pindžarelape aver studentonenca thaj sar ašunela informacije save sas trubulimašće palo majlundžardo sikavipe. Jelica Nikolić andar Rromano edukativno fondo vaćarda kaj ando kava programo kotor line but novosadošće studenturja thaj lilparda kaj godova si baro semnipe pala lende.