EDUKATIVNI CENTAR ROMA

O termino “inkluzija” dićhen sar butimašće phare aktiviteturja thaj bućarimata kasko kamipe si te ćerenpes uslovurja palo jekhetanimasko andralunipe jekh kupasko savi či čhutini pe rig amalimaski (sar kaj si rromani) ando ćidipe amalimasko.

 

Godova čačarelpes krozal zurjavipe kapacitetonengo thaj lengo aktivno andralunipe thaj linipe kotoresko ande integrativne amalimaske procesurja. Stevan Nikolić, šerutno po Edukativno centro e Rromengo mothoda amenđe majbut palo kava amalipe thaj ćidipe.

 

Katar dićhimašći rig bivladaće sektorako, varesave ćidimata ande Vojvodina thaj Srbija ćerdine but lačho fundo thaj platforma kana si ando pučhipe bućaripe thaj vaćardipe thanesko sar fundosarenape pedagoške asistenturja, sastarimašće medijatorja thaj rromane koordinatorja thaj but si semno te e dori maškar sistemo institucijatar thaj bivladako sektoro či avel čhindi.

 

Dži akana šaj te ašarasmen kaj majbut katar 3.500 personalne dokumenturja lundžardam thaj kaj vaćardam nevo than katar lokalosko ćidipe, a godova si Odbor pale maškaretnikane relacije ande Peščara. Šerutno odborako si rromane nacionosko. Semnipe kale odborako si, te ćerelpes te po tereno araćhelpes bihaćaripe maškar pašune, kava odboro inćarel bešipe sar mirosko konsilo.

 

Vizija katar ECR si amalipe bizo predrasude, kaj sa jekh manuš inćarel demokratikano orto te lel kotor ando fundosaripe trujalimasko savo savorrenđe dela jekhutnimaske šajimata. Von daran kaj e Rroma lena lengo than, pozicija, a či haćaren kaj sam khetane majzurale, mothoda o Nikolić. Vo inkalda kaj buhljaripe inkluzijako si but phanglo pale politikani voja. Te šaj te inđaras trijumfo pale pedagogikane asistenturja trubul te naćhel but vrjama.