DINEPES SERTIFIKATURJA KOLENĐE SAVE LINE KOTOR ANDE BUĆARIMASKI PRAKSA

Po dinipe sas e šerutno Parlamentosko AP Vojvodinako, rektori Univerzitetosko ando Novi Sad, ažutimatari pokrajinaće sekretarosko palo sićope thaj tehnologikano buhljaripe, e manušnji andar OEBS, koordinatorja pale praksa thaj praktikanturja.

 

Dži akana 474 studenturja thaj diplomcurja katar Univerziteto ando Novi Sad aresimasa gatisardine bućarimašći praksa, savi ande kava brš inćarelpes do dešudujto drom.

 

Šerutno Parlamentosko AP Vojvodinako, mothoda kaj katar teljaripe ćerelpes kontrola thaj zurjavel kaja ideja thaj bahtarda savorrenđe palo aresimasko agorisaripe praksako.

 

- But ćerelpes svato palo trubulipe strukturaće averčhandimasko ando dasikano amalipe thaj kaj si godova trubulipe. Nevi vrjama si pherdo majneve akhardimatenca thaj naštik te ćerelpes strukturno averčhnadipe thaj modernizacija ortuimašći bi terne manušengo savenđe musaj te delpes šajipe.

Rektoro Univerzitetosko prof. dr Pejanović inkalda kaj kava programo inćarel amalimasko semnipe thaj lačhipe sa jekh studentosko save theren šajipe te pindžarenpes e administracijava thaj bućarimatenca save nakhavenpes ande raštraće ćhera.

 

- Sićope thaj rodimata si fundošće kamimata Univerzitetoske, a akana godova lundžarasa vi e khetanimaske bućarimava e trujalimava – raštrava thaj lokalošće korkorroortuimava, novi e kompanijenca.

 

Kancelarija pale inkluzija e Rromenđi vi ando kava brš lija kotor ando progamo bućarimaske praksako, a angažovane sas štar manušnja: Ljiljana Maričić thaj Aleksandra Vranić katar Ekonomikano fakulteto, Tatjana Bošković katar Fakulteto tehnikane gođaverimasko thaj Petra Atlagić katar Ekonomikano fa- kulteto. Dasa tumen lenđe gîndimata palo bućaripe ande Kancelarija pale inkluzija e Rromenđi.