PUTARDO VOJVODINAKO RROMANO BUĆARIMASKO MAŠKARIPE

Ando maškaripe avela pandž bućarne, a o plano si te džiko agor e bršesko aven angažuime von 30 džene. Vojvodinako Rromano bućarimasko maškaripe si rezultato projektosko Local Decision Making Initiative ande Serbija, savo finansirisarda e Fondacija palo putardo amalipe andar Švajcarsko.

 

O projekto realizuisarda e guverna Žabalj ando kupatebućaripe e Kancelarijava pale inkluzija e Rromenđi. O prezidento phenda kaj o putardipe Vojvodinako Rromano bućarimasko maškaripesko si misal socijalno bućarimasko, odolaće kaj e realizacija kale projektosko therela ekonomikano zuralipe e Rromengo trujal te formalizuilpe juristikano statuso kolengo save ćiden sekundarno bazikanipe thaj aktivne napa bićinimasko thanesko bućako.

 

- Trujal trito kotor Rromengo ande Vojvodina ćiden sekundarno bazikanipe thaj majlačharenla. O maškaripe dela o šaipe te kava bućaripe avel sistematizuime, thaj te e Rroma save ćeren kaja bući aven džiko šaipe te zaradin thaj te šaj te inćaren piri familija.

 

Lačharipe sekundarno bazikanengo, plastikako thaj aver otpadosko, buhljarelape o kupatebućaripe sar maškar lokalengo korkorroortuipe, gajda vi aver bućarimaske subjektonenca, kaj athoska o majlačhardo bazikanipe avela energento, jal o bazikanipe palo nevo bućaripe. Ande lumnja si o ćidipe thaj majlačharipe sekundarno bazikanengo jekh katar majprofitabilne buća, so pe bibaht naj o misal amare phuvjava.

 

Kale projektova amen das o fundo palo buhljaripe vi kale bućako hendasas o prezidento thaj majlundžarda kaj kava projekto andegdata dela vi o šaipe te majbarjarelpe o kapaciteto deponijengo, thaj te e deponije maj- lungo vrjama bućaren.