E ŠERUTNE SASA TE DIĆEN SAR NAKHAVENPES AŠUNIMAŠĆE BUĆARIMATA SAVE INĆAREN ĆIDIPE O RROMENGO

Foto: M. Karadžić

Pala kasavo bućaripe e Guverna Novi Kneževac ulada 600.000 dinarja, a e manuša angažuime palo nakhadipe ašunimaske bućarimatengo udžile si palo lačharie rromane thananego thaj trijalimatengo, khetane e lokalošće komunalne firmenca. Detot sikada palo semnipe ašunimaske bućarimatengo ande save o kotor lime rromane bivladaće ćidimata, sar kaj si, Ćidipe e rromengo „Srpski Krstur.“

Po maladipe, džipašerutno Vasin liparda palo semnipe ašunimaske bućarnengo pe teritorija saste Vojvodinako, pala save e Pokrajinako thagaripe ande 2023. brš ulada šel thaj šovardeš milionurja dinarja, inkaldimava kaj po gadavo varo ćerdinepes uslovurja te angažuilpes baro đindo bibućarne manušengo save inćaren numa fundosko sikavno than, gajda vi e maškarutne thaj vuče sikavimasa.

Palo majbuhljaripe thanengo e Rromengo, Dragan Babić, šerutno Guvernako Novi Kneževac thaj Ninoslav Jovanović, andar Rromano nacionalno konsilo pale Vojvodina, ramosardine mištardimasko lil palo angažuipe koordinatorako pale rromane pučhimata ande kaja guverna, sar therelape majlačhi komunikacija maškar lokalošće institucije thaj rromani populacija.

Dićhimasa pe godova kaj o rromano koordinatoro fundosarela e komunikacija maškar lokalosko korkorroortuipe, e Rroma thaj majvuče raštraće institucije, majlačhipe haćarela rromano nacionalno amalipe“, mothoda o Vasin. O Ninoslav Jovanović bahtarda e guverna Novi Kneževac, thaj inkalda kaj si jekh katar cîra guverne ande Srbija savi čačarda e inicijativa katar Nacionalno konsilo thaj pe kava varo dija šajipe te e Rroma bućaren ando lokalosko korkorroortuipe.