Vakti: 1 min.
RAMOSARDINE ČHINAVIPE PALO SIKAVIPE RROMANE FUNDOSKE SIKLENGO ANDE POKRAJINA
Vakti: 1 min.
Ramosarde o čhinavipe e anglalmothodenca andar 14 lokalosko korkorroortuimava ande AP Vojvodina, save si namenime te denpe sar biirisarimaske te sufinansirinpe Rromane čhavra ando sićope a save džan katar 5. džiko 8. klaso fundoske sikavne thanesko.
Foto: A. Mićić
Ando kava program piro kotor jećhe opašinava line e lokaloske korkorroortuimate, save konkurišisardine palo kava čhand ažutimaski, a godova si: Bela Crkva, Kovin, Kikinda, Pećinci, Subotica, Ruma, Žitište, Odžaci, Srbobran, Plandište, Bač, Bački Petrovac, Ada thaj e Senta.
Sigurno kala love, save naj butimaske bare, agorisarela e bući thaj jekh kotor Rromane čhavrengo, savenđe kala love avena po lačhipe te ćinen neve pustika thaj thaj školako priboro, thaj so loćarela lenđe o ramosaripe ando avindo klaso ande kava sikavno brš.
Lačhipe si te dićhelpe sar “cîkne lovenca” ćerenpe bare rezultaturja ando sektoro te majlačharelpe o statuso e Rromane populacijako.
Rromano phučipe si prioriteto odolaće kaj si ando phučipe o naciono savo araćhelpe pe margina egzistencijaći. Butimaske si pharimata save kamel te naćhel e EU te arlisarel o statuso Rromane ćidimatesko. Vov liparda kaj si o sićope butimasko importantno faktoro pale Rroma thaj phenda kaj samo sikado manuš šaj avel konkurentno pe bućaći berza thaj te araćhel piro than ando amalipe, naisardasas e lokalno korkorroortuimatenđe save sikadine baro gođaveripe thaj lačhipe palo Rromano naciono.
Nevimata save si povezime
"QualiROM" projèkto: Ćhivipen e terne rromane murśenqo thaj źuvlenqo ani laćhi edukacia
Prekal o pharo drom ko sukseso: O maripe vash edukacia thaj digniteto
Lačharipe e sikavimasko pe rromani čhib: Ćaćimata thaj šajimata ande Vojvodina
