Stipendije za e učenikuja thaj e studentuja save bešen ki opština Voždovac

Dijam svato lesar thaj dobisadam prilika te ašunas lačhi motivacija za e učenikuja thaj e studentuja sala si Roma.

 

Pe amaro pučhipe, kazom si prijavime učenikuja thaj e studentuja save si Roma za ko stipendija po Voždovco, o Mitrović phenda.

 

- Prijavime učenikuja thaj e studentuja za e stipendija po Voždovac, si ukupno 26 srednjoškolcuja, a katar e me bare škole samo trin studentuja, save si Roma. Ali goda naj merodavno zbog razlogo ke e roditeljuja uvek direktno obratimpe ando Nacionlano saveto e Romengo. E roditeljuja ni džangle te snađinpe za ko lila I te koroko pherelen, pa godolese uvek javimpe amnđe ili ando Saveto.

 

O Mitrović phenda amenđe ke e stipendija za ko srednjoškolcura si 8. 400 dinara, a za studentura 10. 500 dinara. Iste love dobin savora, ako si ili ako naj Roma.

 

- But si importantno te učenikuja thaj studentuja dobin pire stipendije, jer vojda za ledne značil but. Importantno si i za e roditeljura, a i pe kava način e čhara ni ka crden o ćheresko budžeti i gija e roditeljura ka aven me zadovoljne i lenđe ka avel but me lokho. Importantno si i te amare čhavora avolen o “osećaj važnosti” godolese ke kana dobin e love tare stipendije, šaj te phenen za pire ćhereske manuša ke i voda ćeredne nesarsavo doprinos za ko ćheresko budžeti. Godovo značil but psihološki za lende i delen još me bari motivacija te aven so me lačhe – phenda ko krajo e lafosko o Zvonko Mitrović.