O Ninosav Jovanović sas te dićhel sar nakhavenpes ašunimašće bućarimata save inćaren ćidpe o Rromengo

Po maladipe, džipašerutno liparda palo semnipe ašunimaske bućarnengo pe teritorija saste Vojvodinako, pala save e Pokrajinako thagaripe ande 2023. brš ulada šel thaj šovardeš milionurja dinarja, inkaldimava kaj po gadavo varo ćerdinepes uslovurja te angažuilpes baro đindo bibućarne manušengo save inćaren numa fundosko sikavno than, gajda vi e maškarutne thaj vuče sikavimasa.

 

Palo majbuhljaripe thaj nengo e Rromengo, Dragan Babić, šerutno Guvernako thaj Ninoslav Jovanović, andar Rromano nacionalno konsilo pale Vojvodina, ramosardine mištardimasko lil palo angažuipe koordinatorako pale rromane pučhimata ande kaja guverna, sar therelape majlačhi komunikacija maškar lokalošće institucije thaj rromani populacija.

 

Kozom o ačhadipe bućarimasko anel hasna, godova anel vi bilačhipe krozal bišajipe bućarimasko rromane koordinatores, sastarne, medicinaće phena, sikavimatarja thaj sa godova trubul sa majsigo te lelpes talo dićhipe kanonosko kaj zbogal leste hasardam šajipe te o rromane koordinatoress anas ando sistemo bućarimasko, te bućaras les pe lundži vrjama thaj te butimasa čačaras e guverne ande save trajin rromani populacija.