BUĆAKO BUHLJARIPE

Palo kava projekto e Ana ašunda katar o Rromengo koordinatoro, Jelica Mišković, thaj sas tromali te konkurišil thaj te zumavel te putrel ćerimaski (građevinsko) firma odolaće kaj lako rrom već deš brš ćerel godoja bući.

 

Semno kale projektosko pala lende sas ando čačipe kaj majlačhardine piro bućaripe. E finansijako ažutipe katar o projekto labardine gajda kaj ćindine o alato savo nas len, a trubulas len te majlačhe, majsekcesutne thaj majsigo agorisaren e bući. Ćindine e skele, save si po butipe kuč, hamisarne thaj aver majhurdo alato.

 

Knjigovođa thaj mentoresko ažutipe kana trubunas te registririn e firma thaj anglune pasurja ando lengo bućaripe si katar baro semnosaripe, odolaće kaj si pe kasavo čhand majloćardo lengo drom thaj majloće šaj te arakhadonpe ande bućarimaske paja.

 

Sikadi šansa semnosarda but e familijaće Mišković kaj akana si len lenđi registruime firma thaj o šaipe te pire familijaće obezbedin majlačho trajeto. Tromardine kale projektova thaj zurjarde finansijaće ažutimava katar o projekto šaj majsigurno te dićhen e vrjama savi si angla lende thaj majbare optimizmova te ažućarenla.