Vakti: 1 min.
SIĆOPE ANDA LAČHIPE
Vakti: 1 min.
Lačhe si pindžardo kaj o sićope savo či anel džiko bućaripe či sikavel gatisardo cikluso thaj či anel saste rezultaturja. Merima Nika si angluni studentkinja savi gatisarda Vučo sikavimasko than pale vinaja ando foro Vršac
Foto: Kancelarija za inkluziju Roma
Merima Nika majanglal sas stažista ando „Poletarac“ ando Alibunar, a aska gatisarda anglalbućarimašći vrjama sar pripravniko thaj ramosarda o kontrakto sar pedagogikano asistento pe rromani čhib.
Dićhimasa pe godova kaj godova kontrakto gatisarelape sigo, paćal ando lundžaripe kontraktosko. Džiko Merimako angažuipe avilo gajda kaj anglune šov čhona lako poćinipe dija e Kancelarija pale inkluzija e Rromenđi, a aver šov e guverna.
Bahtali si e khetaneimašće bućarimava e vinajenca, logopedova thaj pedagogova. Sa majbaro đindo rromane čhavorrendar ramosarelpes ande hurdalina, thaj gîndil kaj si trubulipe palo pedagogikano asistento. E bijandimatarja si čaljarde, a kate sam te motharas pe sa lenđe pučhimata, inkalel e Merima.
O šerutno paćal kaj e Merima ačhela po piro bućarimasko than vi majdur. „Merima si lačho sikadipe kaj del zurjavipe thaj vi aver rromane čhavorrenđe te sikavenpes“ inkalda o Jovanović savi detot naisaripe del šerutne manušešće ande guverna thaj šerutnešće anglalsikavimašće ćheresko palo arakhadipe šajimasko te avel džiko Merimako angažuipe.
Nevimata save si povezime
E ŠERUTNE SASA TE DIĆEN SAR NAKHAVENPES AŠUNIMAŠĆE BUĆARIMATA SAVE INĆAREN ĆIDIPE O RROMENGO
