Vakti: 1 min.
E jekhutnimaske ćerdimata e vastendar
Vakti: 1 min.
Ando kotor projektosko „Poboljšanje zapošljivosti Romkinja u Srbiji” Maja Konfi Horvat putarda o atelje ando Novi Sad ando savo ćerel interesantne šukarimašće šeja. Kava atelje, ćerdino ando arhaično stilo, sas ćherutno amare ekipa.
Foto: A. Nedeljković
Majanglal ćerdam e šeja pala peste, a aska majpalal, talo mothodipe kolegurjengo thaj amalimatengo, teljardem te ćerav e šeja vi palo tržište. E reakcija sas but lačhi, detoto kana phiravma forosa varesava so me ćerdem. E manuša pučhlineman po sokako katar therdam kasave šukarimašće šeja.
Pala godova gîndisardem kaj godova šaj te avel mungrro hobi, kaj sasma majanglal bućaripe. No, tale nesavi vrjama kava hobi averčhandapes ando bućaripe.
Hasnarav majanglal naturaće materijalurja, katar kala thana, e bat thaj harkuno (bakar). E bara butimasa arakhav ande natura thaj trujalipe, a o harkuno ćinav.
Ando butipe o materijalo ačhel sa džike me či haćarav les, detot e barra save pire formasa liparel sar o produkto avela. Me bućarav sa jekh đes, 8-10 saturja, gajda kaj sa jekh đes vareso nevo inkljel andar atelje. Kana gîndisarav sar e šukarimašće šeja avena aska teljarav te ćinav o harkumo.
Mothav sar e šeje avena pala godova kaj si godova intuitivno bućaripe, a varekana vareso naštik te ćerelpes, tehnikane. Butimasa hamisarenmen e manušenca save bućaren komponente save ćinenpes. Lengo bućaripe si te lačharen len, a mungro sit e gîndisarav sa jekh katar komponente, te ćerav len, sar vi te lav sama palo baripe thaj lundžipe sa jekh komponentonengo.
Sas but smene pala mande. Godova sas inicijalno teljaripe, či sasma mungrre lovorra, te šaj te lav avresavo lokalo, than thaj te lav o alato savo trubulma. Godova sas rezono sostar čhinadem te kava avel mungrro bućaripe.
