KONKURSURJA PALA MAJBUHLJARIPE THANENGO E RROMENGO

Trin konkursurja sas ulade pala forurja thaj guverene katar teritorija AP Vojvodinaći palo sufinansiripe lokalošće akcione planurjengo palo majbuhljaripe thanengo e Rromengo, finansiripe angažmano koordinatoresko pale rromane pučhimata thaj sufinansiripe programosko sikavimasko rromane čhavorrengo fundoske sikavne thanengo ando sikavimasko 2023/2024. brš.

 

Maj paluno, no niči majsemno, si o konkurso savo sas pala neprofitne ćidimata/amalimata forutnenđe palo finansiripe projektosko ando kotor jekhetanimasko polurjengo ando rromano amalipe.

 

Ando nakhlo brš aresimasa si gatisardo sićope treningosko bućarnengo ande Kancelarija thaj manušenca savenca khetane bućaren, krozal projekto „Jačanje kapaciteta Kancelarije za inkluziju Roma.“ (Zurjavipe kapacitetosko Kancelarijako pale inkluzija e Rromenđi.) O projekto si finansijski učhardo katar Instituto palo putardo ćidipe andar Budimpešta. E sikamne nakhline krozal štar modelurja pe seminarja. Ando pučhipe si e sićimata palo ramosaripe projektosko tale modelurja EU, sar vi palo ćidipe fundurjengo andar EU, vaćardipe thaj strateško planiripe. Kava projekto dija Kancelarijaće trubulimašće džanglimata palo bućaripe thaj kooperacija, sar e thagarimašće, gajda vi e bigavermentošće sektoresa.

 

Ando kotor kale projektosko e Kancelarija inćarda duj studijske vizite ando Briselo. E manuša andar Kancelarija pale inkluzija e Rromenđi sas ande vizita ke Evropaći komisija: Direktorato palo majbuhljaripe, Direkotrato palo bućaripe, a sas ćerdino vi maladipe thaj bešipe e manušenca andar Evropako rromano informativno centro (ERIO), sar vi maladipe ande Kancelarija AP Vojvodinaći ando Briselo.