Vakti: 1 min.
Šajipe palo aresipe
Vakti: 1 min.
Ando kava đindo sikavasa Tumenđe Branka Bošković andar than bezdan savi prdal pokrajinako konkurso thaj projekto „Poboljšanje zapošljivosti Romkinja u 5 opština AP Vojvodine” teljarda korkorrunto bućaripe. Putarda e bolta pala suvipe.
Foto: M. Karadžić
Pučhlamla sar teljarda bućarimava thaj pe soste dija fundurja savi therda. Branka mothoda kaj ćinda e mašina pala suvipe thaj materijalo (thav, suva). Kamipe te bućarel ando kava kotor avilo kana haćarda kaj naj aver inkljistipe, kaj si kava jekhutno so džanel te ćerel kaj gatisarda sikavno thana pala kava, a inćarel vi džanglipe.
Ando than Bezdan naj ni jekh aver bolta palo suvipe, laći si jekhutni, a rodipe si baro, thaj e fortune dromaren ando Sombor kana trubunlen suvari. Pala godova gîndil kaj avela la bući, a godoleja vi šajipe te čačarel planurja.
Majbut si semno te e bijandimatarja den zurjavipe po drom bućarimasko thaj anglunipe pire čhavorrengo. Brankaći dej Zorica mothol kaj si Branka kasavi te kamel te sila piro bućaripe thaj piri poćin thaj te ande godova mištarelpes pire čhejava, zurjavel la, khe tane e Brankaće dadesa.
Bijandimatarja thaj institucije šaj te theren šajipe pala majlačho trajo te e persona džanel so kamel thaj zumavel te godova vi čačrel. Godova si kova si savorra šaj te sićivas andar paramiči pala bućaripe katar Branka Bošković, savi hasnarda dino šajipe, sas gatisardi thaj akana bućarel pala čačaripe pire kamimatengo.
Nevimata save si povezime
O trito evento "Maškarthemutno dive e romane muzikako" ikergja pe ko Sombor
NATAŠTA TASIĆ: KAMIPE PE ANGLUNI NOTA
EU AŽUTIPE PALE INKLUZIJA E RROMENĐI - VAZDIPE LOKALNE ĆIDIMASKO PALE INKLUZIJA E RROMENĐI
