Pale đilja katar Slobodan Berberski

Berbeski Slobodan dićhelpes sar nevimatari katar savremena poezija e Rromani pe thana katar nakhli Jugoslavija. E đilja ande lešći poezija butimasa inćarel rromane alava, so mothol pale lešći inspiracija rromane kulturava, no vi sajekh đesešće trajosa. Rromane alava e điljenđe den haćardipe thaj džudipe kaj pesa inćaren purane sikadimata.

 

Gajda kova savo đinavel inćarel šajipe te haćarel thaj te dićhel ćerko čačipe rromane themesko, lešće dromarimata, pharo trajo thaj inke majpharo trajo. E perspektiva andar save o Berbeski del svato del đinavnenđe te pindžarenpes e rromane themesa, bizo patetika, thaj inkalipe parolako, bizo lrisope thaj rodipe došalimatarnengo.

 

E manuša si sikadine ande sajekhđesesko peradipe, tristipe, no vi ođaripe...“Ando dinipe gođako palo rromano varo trajosko thaj haćaripe themesko Berbeski či đelo pale kola so si avrjaluno, folklorno, no pale kola so si generalno manušalo, so si phanglo pale sa manuša save o trajo či del mrtiko no phare čhudel len pe sa riga“ – mothol Alija Krasnići ando anglomothodipe pale Izabrane pesme Slobodana Berberskog.

 

Pala sa so ćerda kana si ando pučhipe rromano than ando amalipe, gîndilpes pala teljardimatari gođaverimasko rromane themesko sar them savo inćarel barvali kultura thaj tradicija. Ađes jekh sokako ando Beogrado inćarel lesko alav.