Nataša Tasić Knežević ano nacionalno teatro Srbijako anuncirinela o opera "O bijav taro Figaro"

Jekh kotar šerutne rolje ki akaja kheliba, rezhiseririmi taro Aleksandar Nikolić, khelila o solisti tari Opera, Nataša Tasić Knežević, savi sikavela o personažo tari Marćeline. Ko jekh intervju e Telegraf.rs-esa, o artisto mothoda amenge bašo "O bijav e Figarosko", savo mesažo anel akava kotor thaj but aver.

 

Keren pe gatisaribe vash premiera e operako “O bijav e Figarosko” kotar o Wolfgang Amadeus Mozart ano Srbijako Nacionalno Teatro, savo ka ovel pe 24. thaj 26. Aprilo, so kerela akaja opera te ovel jekh taro majbut sikavde opera ki lumia si oleski energija.

 

I Nataša Tasić Knežević vakergja vi pe rola e Marćelinake.

 

Akana, sar so vakerav vash e komfortoski zona, me sem običajime te khelav soubret rolje but berša, thaj angluni drom me reslem ki rola savi na si miri specialiteta. Si rola savi si khelini maj but katar e sopranura save si spinto vaj lirikano mezzo. thaj me pućhav man sostar me reslem kodi rola thaj po agor me realizisardem kaj te gatisarav man vaś kodi rola thaj te kerav repeticie vaś o źutimos, kaj kadi źuvli savi si but zurali, savi nakhlas bare bi-laćhipenata, savi lako ćhavo sas kidnapime kana bijandilo, si jekh źuvli savi trubulas te marel pes korkori e predrasudença save o baro societeto thovel pe sa kodola save si laqe te marel pes lenθar thaj voj resljas te marel pes.

 

O arto si but, odolesqe źi akana, but ćhinaven, te phenas, miri prezenca pe kadi artoski scena, numaj me na dav man tele. Thaj butivar birisardem te ikljovav kotar miri komfortoski zona, odolesqe i Marcelina sine but pharo mange soske trubulas te lav man pale ko sa mire dara thaj te ikljovav kotar odola dara sar viktori, te arakhav drom te ikljovav sar viktori thaj me gindiv kaj resljum sukseso ko odova.

 

O.V.