Romano Maškarthemutno dive: Panel diskusia bašo arakhibe e čhibjakoro, kulturako thaj tradicijako

Ani diskusia sine kotor e Izraelesko Ambasadori ani Srbiya Avivit Bar-Ilan, reprezentya e Amerikake Ambasadake, sar ini signifikantno aktorya e romane komunitetesko: Zoran Simić, biznismeni thay romano aktivisti kotar o Beograd, Miloš Acković, Dragoljub Acković, Dragan Ristić, Žarko Sajuć, Koković, sar buteder reprezentya kotar o civiluno sektori Roma.

 

O paneli sine putardo kotar o Igor Ćuzović, šerutno redaktori kotar o portalo Telegraf.rs, thaj o Aleksandar Nedeljković, dujto redaktori kotar o portalo Romana Nevimata, kola ko pire vakeribe akcentirinena o importanca kotar jekhutni buti ko lačharipe e medijakoro than kote so si respektirimo thaj cenirimo o kulturako diverziteti.

 

“Akava paneli sito vasno drom ano drom te kerelpe yekhuno mediyuno than vash savore komunitetya. I Romani qhib, sar sakova yaver kulturaluno specialiteti, merinel piro than ano jakha e publikako. O Telegrafo ka ovel dureder sar alianca ano odova maripe”,vakergya o Igor Ćuzović.

 

"Romane Nevimata bijandilo kotar o mangipe e romane komunitetako te ašunelpe jasno, dignitetno thaj autentichno. Avdive sikavgjam kaj i romani chib na djivdinela numay ano familiyake zidura, numa isi la zor te ovel prezenti ano medie, arte, edukacia thay institucie. Numay, amen isi amen panda but buti angleder amende - amen musay te perziverina ani te arakha amari qhib, amari identiteta, o Adel ković.

I Marija Elezović, direktorka taro Kher taro Romano Horc Kultura, vakergja thaj vakarga bašo importantno arakhibe e čhibjakere thaj kulturako akcentirindoj o trubulipe aktivno te inkurajinel pe terne generacije te vakeren pe romani čhib thaj te barjarel pe konekcia pire kulturake barvalipaske prekal o arto.

 

Ko vakti e paneleskoro, specijalno akcenti sine dendo pe fundosaripe e Nacionalno Asocijacijako e Romane Žurnalistengo, sar importantno paso ani profesionalizacija thaj zoralipe e Romane medijakere glasurengo. Ko anav e asocijaciako vakergja o Goran Vasić, dujto redaktori tari rromani redakcia Rromanipen - RTS.

 

Jekh taro ključne teme sine inicijativa te kerel pe Romano Fondo, savo ko kooperacia e Guvermentoa taro Republika Srbija thaj e kompetentno ministrijencar, si šerutno taro Ninoslav Jovanović, themsko sektori taro Ministeriumi bašo Buti, Buti, Veteranija thaj socialno bukja. Sar so sine shungyola ano paneli, res e fondosko ka ovel ekonomikano zoralipe e romane komunitetesko, suporti vash proyektya ano kotora e beshipasko, siklipe, kultura thay qhib, zoralipe e mediengo potenciali e romane komunitetesko, sar ini vazdipe may zoralo identiteti e romane populaciako prekal institucionaluno suporti.

 

“Ketane keraja sasoitnipa kote i romani čhib thaj kultura nane numa tema ko 8-to aprili, numa sakodivesutni vrednost amare khetani dživdipaske”, sine mesažo savo phandlja o paneli.

 

O.V.