Legalizacija – Ozakonjenje pharo procesi!

Odothe lena than khera kola sa agorishime, sar em okola kolen isi temelji, stbija, grede, betonsko ploche taj kroveske konstrukcije, em ako naje agorishimi asada. Stepeni taro agorishipa dikhelape premali vrsta thaj soske o kher.

 

E legalizacija taro khera basho sa o khera obavezno kola naje zabranime hakajeja. Akava procesi sikavi nekozom korakija:

 

Kedinipa tari Dokumentacija: Valjanol te obezbedinenpe sa o dokumentija kola sikavena egzistiripa thaj keriba taro objekti.Provera taro Urbanistikane Shaipa: dikhelape da li o objekti pherela urbanistikane valjanipa.Keriba taro Geodetsko Snimko: o geodeti kerola precizno snimko taro kher.Pokinipe taro takse thaj naknade: Kana delape zahtevi pokinenape takse thaj administrativno naknade.Deipa taro zahtevija: palal so kedolpe i dokumentacija, delape zahtev ko nadlezhno organi.Provera thaj odobrenje: O zahtevi dikholape thaj ako sa premalo hakaj, dolape odobrenje bashi legalizacija.

 

 

Taksa bashi legalizacija tari vrsta, povrshina thaj soske o kher. Basho khera, o takse taro 5 hiljade basho khera dji ko 100 kvadratija, dji 50 milje dinarija,basho khera prekalo 300 kvadratija. Basho bucharne khera, o takse but po bare thaj shaj ovena dji o 3 milionija dinarija basho khera prekalo 1500 kvadratija.

 

Numa, savi e situacija ko rromane beshipaske thana kola ki Srbija isi dji ko 800.

 

Po buderi taro 20 procentija manusha ko telostadardno rromane bashipaske thana ki Srbija naje olen shaipa basho pani, a po buderi taro 55 % naje olen kanalizacija, dji kaj 14 % naje olen struja, sikavena o podatkija kola kerdje o Tim basho socijalno ukljuchipa thaj po tikno chororipa tari Guverna tari Srbija thaj Tim UN basho manushikano hakaj.

 

Sar thaj da li shaj te legalizuinipe o khera ko adjahar beshipaske thana, tari evr rig isi situacija kana o familije isi olen sa dokumentija, thajra numa naje olen reshime pravno-imovinsko bucha.

 

Nakhle bersheste o foro Nish ramosardja Memorandum tari buti Ekumensko humanitarno organizacijaja bashi legaizacija taro khera ko rromane beshipaske thana kote odova shaj. Basho korisnikija taro akava programi birimo 30 familije. Mashkari olende em i familija Redjich kova na garavdja mangipa kana shundje kaj basho olengoro problemi isi reso!

 

Shaj te ovol kaj akava projekti sikavno droma basho reso taro problemija ko rromane beshipaske thana kana ko puchipa parcijalno legalizacija taro khera. Ako akava projekti ko avutno vakti dol pozitivno rezultatija pachaja kaj o foro Nish ka kerol sa, sar te azhutinol ki legalzacija taro khera ko rromane beshipaske thana kola ko Nishi isi 5 thaj isi 3 milje khera.

 

O.V.