Pravno-imovinsko bucha em baro problemi ko Ozakonjenje-Legalizacija taro rromane khera

Numa, but hari kerdjape buti ki urbanizacija taro odola beshipaske thana, thaj djahar o predrasude, stereotipijs thjaj e diskriminacija ovena premalo sar so dićhona rromane beshipaske thana, kova naje sar so valjanol. Kana ko puchipa foro Nish, thajra ki infrastruktura ko agorutne 15 bersh na sine, sebepi tano nalegalizuime beshipaske thana. Beograd mahala, Stochni trg thaj Crvena zvezda em bare beshipake thana ano kola djivdinena o Rroma ko Nishi kola em bari nacionaki minoriteti, ofocoalno dji ko milje, na officialno dji ko trin droma buderi.

 

Dejan Djemailović taro Nishi taro beshipasko than Beograd mahala dindja zahtev bashi legalizaija , sebepi taro projekti YUROM Centro taro Nishi kova pokindja keriba taro elaborati thaj avera troshkija bashi legalizacija, numa vech duj bersh bizo odgovor tari Uprava.

 

- Akate sijum taro bijandipe ki Sarajevsko drom, akate djivdindje mle , mlo parapapo, papo … Mlo problemi sine e phuv, kher sar kher isi amen thaj odova amaro, numa e phuv naje. Odova problemi naje samo ki mande, gndinav kaj odova problemi ko sa mle komshije, numa nijek kher, naje legalizuimo. Sine amen shaipa, thaj oakava drom shukri kerava ko rajo Osman Balich, kova kerdja odoja akcija tari legalizacija e kherengi, sine o geometar inzhinjeri kova alo thaj ramosarda o sobe, merindja o kher, slikindja, liljum elaborat kova dindjum bashi legalizacija anglal o duj bersh. Man isima dokumenti kaj odova predaindjum, kana sijuma odori phendje mange kaj odova na sine problemi, numa problemi e phuv. Te henav tumenge panda khanchi me pokinav o porezi basho kher koja ko mlo anav, khanchi na sijum borchi, ni struja ni pani sa regularno pokinav svako ćhon.

 

Ko palune 20 bersh e Srbija sine ola 4 Hakaja ki legalizacija, numa nijek na dikhlja sar so valjanol e problematika ko beshipaske thana kote djivdinena o Rroma, a odoja tani urbanizacija koja jek taro sa o angloshaipa basho poshukaripa, lilja prezenti kova panda na lilja em ako o lafi taro dokumenti kova dola realno thaj optimalno reso basho jek kompleksno problemi. Lafi taro Nacrti taro hakaj tari legalizacija taro rrromane beshipaske thana.