Socialo Inkluzia: Jekh śansa vaś progreso, na jekh akto vaś laćhipen

I socialo diverziteta anel but laćhipenata vaś svako komunitèta – diferentne eksperiencurǎ, źanimata thaj ideje barvaren i societèta sar jekh. E socialo śajśale but vràma sikaven kaj i inkluzia e membrenqi katar diferentne funda, edukacia thaj socialo statuso anel laćhipen na numaj e manuśenqe numaj vi e socialo grupake sar jekh.

 

Numaj, ande Srbija, socialo inkluzia minoriteturenge grupengo inke butivar dikhel pes sar akto lačhipnasko, maj but desar sar šajipe pala barjaripe. Kado drom kerel chachi integracia phari thaj inkrel distanca mashkar diferentni grupi. I rromani komunitèta, savi si la jekh barvali thaj specifikani kultùra, butivar malavel pes anglal-e predrasude thaj e stereotipură, kana lesqe kontribucie anθ-i societèta si bi-dosta pinʒarde. Vi te e antropologura thaj e etnologura afirmisaren o vastnipe svakone kulturako, ande dominantno naracija, e Romani kultura si butivar marginalizirime thaj bi-lačhes tiknjardi.

 

Terne membrura minoriteturenge komuniteturengo kamen te aven andre ando societato na sar kotor katar varesavo "programo" vaj "kvota", numaj sar egalutne membrura komunitetosko savengo glaso thaj kontribucia si vazdini. O ćaćipen vaś o paruvipen si anθ-i edukacia – kana e ćhave si sikavde pal-e laćhipenata e sociàlo diferencienqe katar jekh tikno berś, i inklùzia avela jekh naturalo proceso, na jekh koncèsia.

 

I romani kultura si integralno kotor taro srbikano amalipa thaj merinel piro čačutno than, bizo predrasude thaj stereotipia. O ćaćutno inkluzipe nane jekh akto lačhipnasko, numaj jekh śansa te paruvel pes o źanipen, eksperiènce, thaj te kerel pes jekh maj tolerantno thaj progresivno societèta.

 

O.V.