Nevo Akciono Plano pale Rromengi Inkluzia ando Beograd: Institucionalo Suporto sar Kljucho palo Sukceso

Socijalno inkluzija e Romengi si jekh katar ključne čhinadimata thaj prioritetura ando Beograd, thaj institucionalno suporto khelel ključno rola ande areslipe lungovrjamake paruvimata. Ano intervju amare portalesa, viceprezidento Beogradesko forosko asambleya, Igor Jovanović, vakergya kay foroske autoritetya siton vash yekh vasno periodi ano kova ka lenpe konkretune mere vash te laqharen o than e romane komunitetesko.

 

“O foro Beograd kerela buti ko nevo akciono plani bašo romano inkluzipe, savo ka anel sistemsko solucie ko kotora tari edukacia, buti, bešipe thaj socijalno arakhibe.” “Amaro res sito te lačhara egzistuime mehanizmja suportoske, numa thaj te inćaras e romane khedina ano procesi e decizijengo, soske ola si odola save majšukar džanena save pharipa si len”, akcentirinela o Jovanović.

 

Paše kava plano vaćardam vi palo rolo e medijengo ando proceso pala inkluzija e rromengi. O Jovanović akcentirinel kaj i komunikacia e publikasa si ekstremno importantno, odoleske so del kontribucia te phagavel pes o anglodrade thaj te promovirinel pes pozitivno misal kotar i romani komuniteta.

 

“Rromane medijaki strategija vash Beograd ka ovel ključno instrumento ano akava procesi. Amaro res si te keras o romano glaso majbut prezento ando publiko, po drom te inkurajinas majlačho haćaripe thaj majbari vizibiliteta pala e problemura savencar arakhenpe e Rroma, sar vi lengere sukcesura. “Lokalno medije thaj specializirime romane medije ka oven importantno partnerija ko akava procesi”, vakarga o Jovanović.

 

Institucionalno suporto, konkretno plania thaj strategikane dokumentia si ključno te lačharel pe i pozicija e romane jekhinake an o Beograd. Sar ka implementirinel pe o nevo akciono plani thaj savi rola ka khelen e medije an i romani inkluzia ačhola te dikha ko avutno periodi.

 

O.V.