Žurnalizmo pe dajaki čhib sar majimportantno indetito e Romengo

Ano vaxt kana i informàcia si but importanto vaś o barjaripe e societaqo, o xakaj vaś i informàcia anθ-o vaxt thaj objektivo na trebal te avel jekh privilegiò, numaj jekh bazaqo xakaj vaś svako indivìduo. Vaś i rromani komunitèta, savi butivar arakhel pes anθ-i sociàlo ekskluzia thaj bi-dosta mediaqi reprezentàcia, o raportiripe anθ-i dajaqi ćhib si les jekh specialo importanto.

 

O Branko Đurić, redaktori e romane redakciakoro RTS thaj prezidento e Nacionalno Asocijacijako e Romane žurnalistengo Srbijako (NARON) dedikergja piri buti te arakhel pes i romani čhib thaj te del pes platforma vash o glaso e komunitetosko.

 

 

„O raportiripe pe dajaki čhib nane numa te del pe informacije; si but importantno vash o arakhipnaskoro identiteto thaj kultura. I romani čhib phandel thaj zurarel amen. Informacija pe romani chib del shaipe sa e manushenge ande komuniteta te aven informišime pale teme save direktno keren efekto pe lengo trajo. Ko jekh inspiririnel e terne Romen te vazden piri čhib thaj te nakhen la maj dur”, sikavgja o Đurić.

 

 

“I rromani komunitèta butivar si len limitirime akceso k-e relevantne informàcie.” Amari redakcia del vaxt thaj objektivno sasto adaptirimo e komunitetosko trubujipe. Amen fokusirisaras amen pe edukacia, sastipe, manushikane chachimata thaj kultura. E medije sar RTS khelen jekh ključno rola te phanden e komuniteta e majbare publikasa, numaj vi maškar e generacie, te promovirinen e integracia prekal e kvalitetoski informacia."

 

 

“NARON del platforma vash profesionaluno barjaripe thay paruvipe e eksperiencako mashkar o zhurnalistya. Ov marel pe vash vizibiliteti e romane komunitetesko ano mediumia, vash standardizipe e qhibyako thay te vazdel o sukcesi e komunitetesko, numay vi sikavela o pharipa. Sar membro, śaj te konfirmisarav kaj o NARON reprezentisarel jekh baro suporto amenge źurnalisturenqe thaj del maj laćhi informàcia e komunitètaqe."

 

 

„O avutnipen e rromane ćhibăqo avel amenθar. Si but importantno te kerel pes investicia ano treningo e terne žurnalistengo, te kerel pes edukaciake materijalura thaj te standardizirinel pes i ćhib. Le mediji si o majzuralo instrumento pe shibako arakhipe, ke voj kerel la vizibilno ando publikano than. Me pachav kaj prekal khetani buti ka sigurina kaj i Romani čhib te ovel panda pobut prezentirimi thaj čhinavdi."

 

 

“Anglal sa, mangava te bahtarinav e avutne bare divesa sa e membrencar tari romani komuniteta thaj amare pashlipaske. Te anen sastipe, pacha thaj sukseso. Majfeder phenav le ternenge: patyan ande tumende, ande tumare somnengo thaj shibaki zor. Prekal i ćhib thaj i edukacia, amen keras jekh maj laćho avutnipe. Planirinav majdur te vazdav e romani kultura thaj čhib thaj te involvirinav e ternen ande amare projektura."

 

Peske bućasa o Branko Đurić del amen godĭ so si importanto te arakhel pes i ćhib thaj o identiteto prekal e medije. Lesko angažmano si inspiràcia savorrenqe save keren buti te zuraren i rromani komunitèta thaj laqo than ani amalipa.

 

A.N.