Ani Kikinda ikergjape o eftato regularno sastanko taro Nacionalno konsilo e Romengo

Eftato regularno bešipe e Asamblejako katar Nacionalno konsilo Romano nacionalno minoritetosko ande Srbija ikerdilo ande ceremonijaki sala katar forosko kher ande Kikinda. Ani sesia sine kotor e reprezentyengo kotar o foro Kikinda - sheruno Mladen Bogdan, prezidento e forosko parlamentesko Dušan Popeskov, sar ini membrya e forosko konsilo Željko Radu, Marijana Mirkov thay Melita Gombar. I sesia inkergja o Dalibor Nakić, prezidento e Konsilesko.

 

Ando agenda sas akala propozalurja: Adopcia e protokolengi katar angluni sesia; Adopcia e decizienqi e Exekutivo Bordosko maśkar e eftato thaj oxtoto sesia; Keripe decizia palo fundosaripe e profesionalno asocijacijako „Asocijacija e sikavnenge rromane čhibjake“.

 

Sa e punktura andar e agenda sas jekhutnes adoptuime, andar saveste si kerdimos "Asociacia e sikavnenge rromane čhibjake", savo si importantno paso ando arakhipe thaj barjaripe e rromane čhibjako ando sićimasko sistemo.

 

Angleder te startinel pe sesia, sheruno tari Kikinda Mladen Bogdan sine gazda e delegaciake taro Nacionalno konsilo e Romengo ano piro ofiso. Ko vakti e butjarne khedibako rezumirinela o nakhlo berš, thaj prezentirisarda pe o fremo e planengo bašo avutno periodi.

 

Ko agor e bešipasko, o prezidento taro Nacionalno Romano Konsilo, Dalibor Nakić, kergja vakeribe bašo amaro portali, referirindoj pe rezultatia taro Konsilo thaj vakergja o avutne aktivitetija.

 

 

O kerdipe e "Asocijaciako e sikavnengo e romane čhibjake" reprezentirinel ključno paso karing o arakhibe amare čhibjako. I rromani ćhib na numaj si kotor katar amaro kulturako identiteto, no si vi jekh pudo maškar e generacije. Lesko than ano edukaciako sistemo naj simbolikano, numa strategikane importantno vash o avutnipe. I sesia sas kerdini ano jekhipenqo duxo, thaj sa e decizìe sas adoptuime jekhutnes, so konfirmisarel amaro angažmano vaś jekhutne cilino.

 

 

I kooperacia e lokalno korkorutne governencar si but importantno vash o areslipe amare ciljengo. O foro Kikinda si misal vash shukar praksa, soske pindjarel e importanca vash egaliteti thay inkluzipe. Pe butyako kedipe vakergyam vash konkretune proyektya vash o avutno bersh, mashkar lende inicijative vash edukacia thay infrastruktura, kola signifikantno ka den kontributi vash te laqharen o kvaliteti e jivdipasko e Romengo ano akava regioni.

 

 

Amare prioritetia vash o avutno bersh si edukacia, arakhibe e chibjako, vazdipe e politikane participaciako thaj ekonomikano zuralipe e romane murshengo thaj dzuvljengo. Amen ini planirina te lansirina neve kulturake iniciative kola ka den kontribucia vash te zurarel o vizibiliteti amare komunitetesko thay te arakha olesko identiteti.

Pe agor e vakeribasko, Nakić vakergya kay Nacionaluno Konsili e Romane Nacionalune Minoritetesko dureder phiravela proyektya kola vazdena o kvaliteti e jivdipasko e Romengo ani Srbiya, klaro vizia vash yekh inkluzivuno thay may shukarno avutnipe.

 

A.N.