KOMEMORACIA VAŚ O SAMUDARIPIN ANI BELGRADSKO FILHARMONIA

Vakergje o Neždet Mustafa, viceministri baš komunitetoskere relacie an o Gavermento tari Utarali Makedonija, Veljko Kajtazi, Romano reprezentanti an i Hrvatska parlamenti, o Zoran Dimov prezidento tari Maškarthemutni Romani Unia, thaj prezidento taro Nacionalno Konsilo taro Romano Nacionalno Minoriteti ki Srbia bašo dukh thaj pogromo e Romengoro Dalibor Nakić thaj historičaro Dr. Milovan. Le skritorura.

 

Palo sikavibe e filmesko „Gilja taro dukha thaj bisterdipa“ tari Vera Kurtić, ikerdilo promoviribe taro lil “O dživdipe e Romengoro si pherdo jakha” taro Zlatomir Jovanović, prezidento taro Asocijacija taro Romane Litora. Ko kooperacija maškar akaja asocijacija thaj i organizacija “Romanipen” kotar o Berlino, o autori hramosarda jekh knjiga savi vakerel e gilja kerdine ko kalo periodi tari historija e romane manušenge ki amari phuv, kote so perde baro numero murša, džuvlja thaj čhave .

Ko agor taro raća sine kerdo koncerti taro akordeonsko virtuoz tari Beogradsko Filarmonija Dejan Jovanović thaj oleskoro ansamblo „Balkansko simfonia“ e orkestrea Zoran Mulić, DKC čhavorengo horo thaj horo „Palo Angelo“. O Dejan Jovanović kerda cover gilja kotar i kolekcia, kerde ko koncentraciake logora ki Srbija, sar so si o gilja "Phabol lampa", "Lila si ma" thaj aver. E gilja ikerde amari solistka Mina Gligorić thaj o bulgarikano artisto Neno Iliev. O koncerto agorisajlo e ritmencar e majpindžarde romane melodijencar taro amaro them.

 

O.V.