LUNDŽAREN MAJDUR THAJ NA AČHEN KATAR O SIĆOPE

Mungrro sićope teljarrda pe nesar maja- verčhande, dićhimava kaj majranije teljarrdel ande anglalsikavni, ande šov brš teljarrdem ande sikavni FS “Radovan Kovačević – Maksim” ande Lebane. Palem godova kaj e familijava avilem ando Novi Sad, fundošći sikavni pak dem gata khate.

 

Andem čhinadipe pale studije farmacijako inženjeringo, maj ande trito klaso maškarutne sikavnjako. Interesontno si o fakto kaj gata sajekhđes po drom džike sikavni nakhavas paše Tehnološko fakulteto thaj gndivas pale godova sar ande godoja sikavni ćeren but džangle manuša, thaj musaj kaj si e studentuja po alavarrdo fakulteto but astarrde e matematikava thaj hemijava, sa godova sas pala mande biare simasko ande godoja vrjama.

 

Trujal dini bari bući thaj kamipe ande studije, teljarrde te aresen e rezultatuja, palem godova but sem bahtali mungrre čhinadimava, dićhimava pe godova kaj po štarto brš trujal o rodipe palo ramosaripe agorimašće egzamosko pindžarrdem o laboratorijako šukaripe thaj andem čhinadipe kaj si o gođaveripe o drom saveja kamav te džav. Dem gata o fakulteto pe vrjama thaj therrdem o alav diplomirime inženjeri e tehnologijako, sigo pale godova ramosarrdem e master studije, save lačhe dem gata 2021. bršesko e maškarutne molimasko 10,00.

 

Gndo si te ando brš savo avel bućarrdov po than e rodimasko, po fakulteto trujal akanutno programo palo ažutipe terrne rodimaterengo katar o Ministerijumo palo sićope. Paše aver mothodino, kotor mandar si mungrre themeja, kaj ašarrne inkalavav kaj sem Rromnji thaj barilem e kamimava te jekh đes kana dav gata o fakulteto ažutiv mungrre themešće.

 

Lav sajekh šajipe te dav importantno svato pale sa terrne Rroma save akana maladon ando pharipe, o dinipe thaj bući navek boldel kazom god te avel phare, džan anglal thaj na ačhen katar o sićope, godova ande nesavi vrjama anela tumenđe neve šajimata.