Paluni konferencia ROMACTED II: Štar beršengo progreso ande rromani inkluzia

Ando Beograd ikerdilo finalno konferencia e khetani programesko e Evropaki Unia thaj Evropako Konsilo, ROMACTED II, kote khedena pobuter taro 50 ključne aktora te keren analiza e programesko areslipa thaj te konfirminen o angažmano vash dureder inkluzia e Romengi ani societeta. O programo savo si implementirimo ande 13 komune ande sasti Srbija, resljas opral 696 lokalne intervencije ande nakhle štar berša, save dena signifikantno kontribucija pala bućaripe katar socialo inkluzijake politike thaj pala maripe mamuj anti-Ciganizmo.

 

Konferenca putarde o Janos Babić, šerutno e Konsilesko Evropako misijako an o Beograd, Tomislav Žigmanov, ministri vash manušikane thaj minoritetenge hakaja thaj socijalno dialogo, Emanuele Žiofre ambasadori tari Evropaki Unia ani Srbia, thaj Ana Oprišan menadžeri taro ROMACTED programo. Sa e vorbitora dende akcenti pe importanca e intersektoralno kooperaciaki ano reslipe e problemengo save siton e romane komunitetenge.

 

„ROMACTED II si sar misal sar o khetanipe e mashkarthemutne instituciengo, lokalune autoritetengo thay romane komunitetyengo shay te anen konkretune rezultatya”, vakergya o Žigmanov.

 

Ko vakti e konferencako Časlav Ninković, koordinatori taro programi ROMACTED II thaj i Svetlana Stefanović tari Fondacija BFPE prezentirinde ključne rezultatia taro programi. Specialno sama del pes pe strategije pala monitoringo thaj planiripe e mesurengo save den kontribucija pala socijalno inkluzija e Rromengi.

O Bajram Morina, Generalo Sekretari taro Nacionalno Konsilo taro Romano Nacionalno Minoriteti vakergja baši importanca tari aktivno participacia e Romenge ko procesia tari decizia:

 

"O involviripe e komunitetosko si ključno." Kana e Roma si kotor katar e solucija, e efektura katar o programo avena dikhline thaj lungo vrama."

 

Marina Savković, tematikani konsultanti, vakergya:

 

„Le maj laćhe rezultàturǎ aven kaθar jekhutno planiripe le lokalone autoritèturenθar, kaj prinʒaren le specifikane trubujimata le rromenqe.”

 

I konferencia agorisardilo prezentiribe e sukseseskere paramičencar thaj majsukcesutne praktike implementirime ko lokalno nivelo. Prekal specifična misalura o programo sikavda sar si šajipe te lačharel pe inkluzija e Romengi thaj te zurarel pe socijalno kohezija ande Srbija.

 

“Akava na sito agor, numay starti e neve kotoresko ano amaro maripe vash yekh inkluzivuno amalipe”, vakergya o Ninković.

 

ROMACTED II mekhel zoralo legàto, no vi jekh insentivo te źal maj dur te kerel pes buti anθ-i inkluzia thaj te laćharel pes o kvaliteto e ivipnasko ani rromani komunitèta.

 

A.N.