THEMUTNO ČHAVORRESKO ĐES

Palo inćaripe e Themutne čhavorrešće đesesko e šerutnjako pe Kancelarija pale inkluzija e Rromenđi e Ljiljana Mihajlović inkalda kaj e raštra sikavel pherrdi griža ando kamipe te o maladipe e čhavorrengo vazdelpe thaj ando kontinuiteto nakhavel e mere ando majlačho intereso e čhavorresko, majanglal po ciknjaripe e diskriminacijako, ačhavipe po maripe thaj muklipe sar vi lengo araćhipe.

 

Konvencija pale orrte e čhavorresko, sar majimportantno maškarthemutno lil ando kotor pale manušikane orrte delamen musajipe po paćape line musajimatengo thaj sajekhđesutni bući po arakhipe thaj vazdipe e orrtengo pale ćhavorra. Godova lil si trujalipe palo vazdipe thaj nakhavipe e orrtengo pale čhavorra thaj fundolpe pe štar fundome principipuja – orrta po trajo, inćaripe thaj buhljaripe; majlačho intereso e čhavorresko; orrta pe participacija thaj orrta pe nadiskriminacija.

 

Paše godova vi majdur si bare izazovuja džiko aresipe fundome orrtengo e čhavorresko, ulade e čhavorrengo andar e dukhavne thaj diskriminišime kupe ande save si e rromane čhavorra, save trajin ando čorrpe, inkalde andar o sićimasko sistemo thaj them, sar vi e čhavrrda pe ulica.

 

Themutno đes čhavorrenđe orrtengo inćarrdol po čhinadipe e Generalne Parlamentosko UN sar haćarimasko đes maškar e čhavorra thaj đes kana promovišinpe e molimata thaj kamimata e Konvencijako pale orrta e čhavorrengo inćarrde po majlačhipe sajekh čhavorresko. Generalno Parlamento UN anda Deklaracija pale orrta e čhavorresko 1959., thaj Konvencija pale orrte e čhavorresko 1989. brš.