Zuralipe thaj vizibiliteto e romane džuvljengo

O čhon e romane džuvljikane aktivizmosko, savo si pindžardo sar "Čhon e romane džuvljengo" si reslo te zurarel pes thaj te dikhel pes e romane džuvljenge prekal ververutne inicijative, eventura thaj aktivitetura. Kava masek dela šajipe te sikavel pes e pharipa save arakhen pes e romane džuvlja, sar vi lengere kontribucije ki amalipa.

 

Ani komuna Kostolac o aktivizmo e romane džuvljengo isi signifikantno rola. Tanja Grgić, prezidentka tari asocijacia "Sukcesutne džuvlja taro Kostolco" kerela buti te promovirinel hakaja thaj pozicija e džuvljenge an i akaja komuniteta. Leski asocijacia fokusirinel pe projektura save si phangle e edukaciasa, butjasa thaj socialno justicijasa, te zhutin kadale džuvljen te len e džanglimata thaj e resursura save trubun te aven independentno.

 

- Asociàcia „Sukcesutne ʒene kotar o Kostolco” astarda te kerel buti naformàlo anθ-o 2018. berś, thaj sas legalo registrime anθ-o berś 2019. Kotar odova, amen fokusisaras amen anθ-e ververutne riga, maśkar lende vi e źuvljikane xakaja, maj but o xakaj vaś jekh źivdipen bizo maripe, savo si o o maj importanto segmento amenge. Amen simen ini advokacia vash prevenciya e qhavorengo thay angleder bijavipasko thay vash agoripe e qhavorengo kola mukhena fundone siklipe,vakergya o Grgić.

 

Ko Ćhon taro Romano džuvljikano aktivizmo, ano Kostolac keren pe ververutne aktivitetia sar so si workshopia, kruglo mesala thaj kulturake khedipa, kote akcentirinena o kontribucia e romane džuvljengo ki lokalno komuniteta. I Tanja Grgić mothovel kaj lako asocijacija butivar kidel baro gendo džuvljengo, kerindoj jekh platforma pala ulavipe e eksperiencako thaj paruvipe e džanglimasko.

 

- E edukacia musaj te avel ando konstantno fokuso. E sheja musaj te phiren ande shkola. Importantno sito te haćaren sar agorisardipe fundono thaj maśkaruni śkola, thaj šaj vi koledžo, del len šajipe te aven biphangle thaj barabar membrura e amalipake, majdur phenel o Grgić.

 

Ano puchipe vash o sebepi sostar panda praktikingyola o bijav e terne bershengo ano romano komuniteti, e Tanja Grgić vakerđa:

 

- O maj baro grundo si o agor la shkolako. Bibahtake, akava bersh ano Kostolac isi amen nekobor brakhipa e čhavencar telal o 15 berša. Von na sas andre ande edukaciako sistemo, thaj o ćhand kadalesko si, anglal sa, baro čororipe thaj na dosta edukacia e dadenqi thaj dadenqi.

 

O Čhon taro Romano džuvljikano aktivizmo dela signifikantno platforma te zurarel pes e Romane džuvlja thaj te sikavel pes olengere pharipa. Aktivitetura ando Kostolco, legarde katar e Tanja Grgić thaj lako amalipe, den kontribucija pala vizibiliteta thaj zurjavipe e komunitetosko, ande jekh vrama marenpe mamuj problemura sar bijandipa e terne beršengere. Prekal kooperacia, edukacia thaj paruvipe e eksperienciengo, e Romane džuvlja šaj te realizirinen piro potencijalo thaj te oven aktivno kotorleutne ko formiribe pošukar amalipa.

 

 

O.V.