Puterdo romano kulturako centro ando Vranje

Ano festivo atmosfera ano Amerikako kotor taro "Bora Stanković" Biblioteka an o Vranje oficijalno sine markirimo o starti taro Romano Kulturako Centro. Akava centro, savo si o trinto kotar olako tip ki Srbija, kergjape po suporto taro Nacionalno Romano Konsilo, palo putardipe e gasave instituciengo ko Kruševaco thaj Niš.

 

Prezidenti taro Nacionalno konsilo taro Romano nacionalno minoriteti, Dalibor Nakić, akcentirinela o importantno akaja institucija bašo rromano amalipa an i Vranje.

 

“Vranje si pendžardo baši piri barvali kultura, thaj o Romano Kulturako Centro dela šajipe e ternenge te barjaren pire tradicije, čhib thaj običaja.O suporto taro foro Vranje sine ključno baši realiziribe akale proektesko, thaj o Nacionalno Konsili ka dureder te dena ažutipe e avere dizutnenge thaj komunenge te keren pe asavke centria”, vakarga o Nakić.

 

I direktorka taro Romano Kulturako Centro, Tereza Šainović, akcentirinela kaj res akale instituciake si te arakhel, te barjarel thaj te lačharel i kultura e romane nacionalno minoriteteski.

 

“Amari buti sito kulturako afirmacia e romane komunitetesko, suporto vash inkluzia e Romengo, sar ini informaciake thay publikaciake aktivitetya.Ani avutnipe o centro ka vastinel o lokalya kola foro Vranje vastingya vash kulturake programya”,vakergya o Šainović .

 

Ki ceremonia sine vi o forosko konsiliari vash nacionalune minoritetya, etnikane komunitetya thay civilune organizaciye, Saša Stamenković, sar ini but membrya e lokalune komunitetyengo.

 

O putardipe e Romano Kulturako Centro an o Vranje reprezentirinel importantno paso ko arakhibe thaj promoviribe e Romane kulturako thaj identitetoskoro. Akava centro ka del šajipe e terne Romenge te kiden pe, te sikljon bašo pire tradicije thaj te len kotor ko kulturno aktivitetija so den suporto olengiri inkluzija ko majbaro komuniteti.

 

O.V.