Edukacia sar drumo palo progresi: Romano komuniteti si majbarvalo vash aver doktori

Jelena Jovanović, MP ande Asambleja katar AP Vojvodina thaj membrura ande Nacionalno Romano Konsilo, sukcesno araklja piri doktorsko disertacija ande Univerziteto EDUCONS ande Sremska Kamenica. Olakeri buti anavkerdi: "Valorizacia e faktorengo save keren influenca ko kvaliteti e dzivdipaske thaj pozicija e romane jekhinake ki Autonomno Pokrajina Vojvodina specialno referenca ko nivelo e sikljovibasko", si kotor taro studiribasko programi taro biznis ekonomija.

 

Akava eksepcionalno akademikano sukcesi reprezentirinela na numa o Jovanovićesko personalno reslipe, numa thaj importantno paso vaš sasti romani komuniteta ki Srbija. Laki dedikacia vash edukacia thaj lacharipe e Romengo than ano amalipe avilo inspiracia vash terne manusha kotar e marginalizirime komunitetya, sikavindoj e edukaciaki zor thay perzistenca ano reslipe e personalune thay profesionalune cilyengo.

 

 

“Me gndinava baro odgovornost thaj čast.Akava nane samo miro sukcesi, numa thaj sukcesi savore odolenge kola paćinde mande thaj dende man suporto ko akava drom. Mangava kaj miro misal ka motivirinel terne taro romano komuniteti te na den opre, bi te dikhel pes o pharipa. Edukacia si o maj zuralo armo savo si amen te maras amen mamuj o čororipe thaj i diskriminacia."

 

 

“Majbaro pharipe sine te balansirina o profesionalune obligacie thay akademikune butya. O suporti e familiyako, amala thay komuniteti mukhla man te perzistirinav. Vi, te arakhav e obstakulencar kola butivar avena vash o stereotipya vash o Roma sine pharo, numay lelape sar motivacia vash te sikavav ke me śaj te avav o maj laćho." - vakergja i Dr. Jelena Jovanović bašo amaro portali.

 

E Jelena Jovanovićesqi doktoresqi tèza na si numaj jekh akadèmiko sukcèso - si simbolo e nadeźesqo thaj e angažmanosqo. Laki paramiči sikavel kaj e edukacia šaj te paruvel na numaj o źivdipe e manušesko, numaj vi e sasti komuniteta. Akava sukcesi, bizo dujbe, ka inspiririnel bute terne Romen te len olako misal thaj te arakhen piro drom ko pošukar dzivdipe thaj socijalno progresi prekal edukacija.

 

O.V.