Konferencija "Lumija thaj sumnali - Romane čhave ando edukaciako sistemo"

O Ofiso e Komisaresko palo arakhibe e Jekhethanipasko, ano kooperacia e Ministeriumeske vash Edukacia, e Evropako Konsilo e Evropako ano Beograd thay Evropako Centro vash o Romane Hakaya, organizingya yekh konferenca akhardi “Lumi thay sumnali - Romane qhavore ano siklipe sistèmo". Ano duy panelya o participantya diskutingyona vash pharipa thay mangle pasya vash te sigurinen yekhuno akseso vash kvalitetuno siklipe vash savore qhavore, ini vash o Romano komuniteti.

 

 

Ko starti e konferencijako, šerutno e departamentesko palo implementiribe e programesko bašo inkluzija thaj mamuj diskriminacija taro Evropako Konsilo an o Strazburgo, Torsten Aflerbach, direktori taro Evropako Centro bašo Romane Hakaja, Đorđe Jovanović, thaj o sherutni kotar Departamenti vash Manushikane thay Minoritetyengo Hakaya kotar Ministria vash Edukipe, Snežana Vuković, vakergya vash o arakhadya. Participantura kotar o na-governamentalno sektoro thaj edukaciake institucie ulaven pire eksperienca kotar e praktika, akcentirindoj o trubulipe vash majbaro suporto e romane chavorenge thaj olengere familienge.

 

Prezidenti taro Nacionalno konsilo e Romengo, Dalibor Nakić, akcentirinela o vasnipe e butjako e pedagoške asistenturengo an o sićimaskoro sistemo, akcentirindoj olengere kontribucia an o procesi tari edukaciaki inkluzia e Romengi. Ov vakergya kay o Nacionaluno Konsili sito fundatori e Nacionalune Asociipesko e Pedagogikune Asistentengo (NAPA), organizaciya kola aktivune kerela buti vash te laqharen o siklipeske shaipya vash o membrya e romane komunitetesko.

 

Trujal averčhande aktivitetura, NAPA zumavela te sigurinel jekhutno akceso ki edukacia, te inkuražirinel akademikano sukceso thaj te den suporto e terne Romenge ko piro drom ko personalno thaj profesionalno barjaripe.

 

Paše katar o Nakić, ani konferenca avile vi Zdravka Simić, nacionalno koordinàtoro NAPA-qo, Božidar Jovanović, membro ano bordo vaś edukacia thaj juristikano reprezentanto ani NAPA, sar vi Ljiljana Mihajlović, direktorka ani Kancelaria vaś inkluzia e rromenqi anar o autonomo Pokrajina Vojvodina.

 

I konferenca "Lumija thaj sumnali" del lumja pe ključne pharipa thaj šajimata pala lačharipe e edukaciako sistemo kana kerel pes lafi pala romane čhave. O kotorleutne dende akcenti vash o vasnipe e khetane zorako savore aktoryengo vash te siguringyol lacho thay inkluzivuno akseso ani edukacia, thay te suportinen dureder progresi ano akava umal prekal kooperacia mashkar o institucie, na-govermentalune organizacie thay o romano komuniteti.

 

A.N.