Adjes si lumako romano muzikako djes

Mashkarthemutno dive e bisterdipaske e romengi viktime taro genocido ko dujto lumjako maripe thaj Lumiako dive e romane chibjako - Lumako dive e romane muzikako, savo si festuime pe o bijandipe e thagareski tari romani muzika, Esma Redžepova.

 

E festa startuime ando Ungriko Them katar o muzikanto Mihály ‘Mazsi’ Rostás thaj organizirimi katar e Internacionalno Netvorko e Romane thaj Lumako Muzikako lel than po trito drom thaj kado bersh ka len 50 grupe save si maj but katar 260 performantura. Performansura katar romane thaj na-rromane muzikake grupe ka keren pes ande deš forura ando Ungro sar organizuime them thaj pe lokacije ande 5 aver thema: Bulgaria, Spania, Njamco, Slovakia thaj Rumunia. O festivalo si te lel pe sa e zhanrura khaj e rom si ande muzika, khatar flamenko zhi khaj balkansko brass muzika zhi khaj jazz.

 

O artistikano direktori thaj inicijatori e festivalosko, o Mihály ‘Mazsi’ Rostás, avilo e idejasa te kezdisarel o festivalo thaj te kerel o Internacionalno Netvorko kana khelel pe sasti lumia e gilavutnesa Mónica Lakatos thaj e Romengo orkestrosa. Ov realiziringja kaj e romane muzikanton nane len jekh avreskere konekcija, thaj i romani muzika, dzi kaj si jekh taro majpindžarde elementia tari romani kultura, isi la jekh fixno dive taro berš kana lako barvalipe ka ovel slavirimo globalno.

 

O.V.