"But sim gordo pe miro romano avindipe"

O Richard Kovacs, talentirimo romano bokseri kotar o Ungriko Them, akana reslja baro sukceso ki maškarthemutni sporteski scena, thovindoj pes maškar e majbare 10 bokseria ko milajesko olimpijako khelipe ki Paris.

 

Ko shtarto finali, o Kovac khelilo mamuj o francuzo bokseri Sofiane Oumiha ki kategoria e tikne phare vastengo (63,5 kg), kote, bizo te dikhel pes jekh zoralo performanso, vov xasarda o shaipe te lel medalja.

 

Pandž ungrikane tikne phare šampionatoske titlora thaj bute medaljenca katar e Evropake šampionatura, o Kovač ačhilo sar simbolo vash inspiracija vash e terne Roma, thaj lesko mesažo vash e terne si klaro:

 

- Te birij muro succeso te inspirulij maj cera jekhe romane shavores, kodo znachij mange maj but sar o succeso ande olympiada. Tu trubul te aves gordo pe tiro avindipe, sar me.

 

Paše katar o kompetiribe ande uče profiloske sportura, o Kovač sikavel vi historija thaj fizičko edukacija ande duj fundone škole ande Budapešta, dendoj zor e Rromane čhavorren thaj inkurajindoj len te džan palal e edukacija sar ključno pala maj lačho avutnipe.

 

Vi te si e romani komuniteta ando Ungriko Them anglal buteder pharipa, e Kovacesko paramiči sikavel pes sar jekh lačho egzamplo pala zoralipe thaj perzeverancija. Lesko dedikeripe vash o bokso thaj edukacia služinel sar inspiracia bute manushenge, te del amen godji kaj te sunes baro thaj te keres buti te areses len si ključno te kerel pes jekh maj inkluzivno societeto.

 

O Richard Kovac ačhel sar simbolo e zorako thaj inspiraciako savo inkurajil e romane komuniteta te paćan ande peste thaj te maren pes pala egalutne šajimata. Leske paramiče si inspiracia e ternenge kotar e sasti lumia te sunen bare thaj te keren buti zorale vash olengere ciljora.

 

O.V.