EELVIS PRISLI ― POP IKONA 20. VEKOSKO

29/04/24 | 11:10 ≫ 11:12

Vakti: 1 min.

But manuša džanen ko sas o Elvis. Numaj crra katar lendedžanen kaj lešće phure avile ande Amerika andar e Njamcicko ando 18. veko e alaveja Pressler. Sas andar o Šinti – them, pindžarrdo sar „Kale Holanđaja“. Elvis Aron Prisli si bijando 8. Januari 1935. ando than Tupelo, po jugo e Misisipijesko ande čorri familija.

Foto: Shutterstock

Šaj phendemas kaj trajisarrdam ande načačuni prugać rig. Numaj, ande godoja vrjama ando Tupelo vi najsas čačuni rig. Khanikas naj sas barvalo habe. Či avasas bokhale, numaj samas butivar paše“ – delas svato legendako bašalimatari, savešći familija Vernon Elvis thaj e Gledis Lav Prisli pesko ćher lačharrde pale duj čhavorra, numaj e Elvisosko phral blizanco, savo po them avilo 35 minutuja majsig lestar, mulo kana bijandilo.

Kana maladamas parrne rakhlore e krleja thaj lirikaće stilova e kale manušengo, sa therrdamas barvalipe“. Godova rakhlorro sas o Elvis thaj e sune čačile. Majsig de so pherrda biš thaj jekh brš, therrda angluno miliono dolarja thaj astarda anglune šel čheja.

Dikhlem e manušen sar godova ćeren thaj poloćorre sićilem te bašalav, numaj naštisarrdem te đilabav maškar o them, semas ladžano“, mothoda o Elviso, savo e familijava 1948. nakhla ando Memfis, kaj ramosarrda maškarutni sikavni. Vi majdur sas crrdino thaj ladžano thaj e amala butivar azbanasle kaj si dejako rakhlo.

Godova napindžarimasko kalebalengo rakhlorro samo jekh data crrda e jakh pe peste thaj godova kana e sikavni andar o đilabipe dijale cinorro džanglimasko đindo mothovimava kaj či džanel te đilabel. Holjariko Elviso dethara avilo e gitarava po klaso thaj đilabada baro hitno Keep them cold icy fingers off me. E sikavni mothoda kaj či ćerrda mišto thaj vazda lešće o džanglimasko đindo.

Sas but šukar. Gndimava thaj kamimava perada seksualno tabu pandžvarrdešenđe bršengo. Crrdelas pe peste sar rromnja gajda vi e manuša“, mothoda e sikavni Dos, savi ramosarrda o lil Elvis kuluta: kamlimatarja, paćav thaj imidžo.

O.V.