MAJŠUKAR ROMANE ĐILJA

O programo savo sas multietnikano, multikulturako thaj multičhibjano nakhadine e profesorja dejaće čhibjako, bašalimašće thaj piltaće kulturako, a ando programo sas čhutine e manuša save avile thaj e studentuje Vuče sikavne thanesko.

 

Đelem, đelem (ando nakhavipe pe dasikani čhib: Idem, idem) si maškarthemutni himna rromane themesko. Kaja đili si pindžarrdi tale averčhande alava: “Gyelem, Gyelem”, “Dzelem, Dzelem”, “Djelem, Djelem”, “Gelem, gelem”, “Ђелем, ђелем”, “Џелем, Џелем”, “Джелем, джелем”, “Opré Roma” thaj “Romale Shavale”.

 

Kompozitori rromane ciknako o Žarko Jovanović Jagdino, themešće publikaće pindžarrdo sar Jarko Jovanović, e amaleja Milošova savesko anav si bistarrdo, 1949. ando Radio Beogrado ramosarrda o lil pale ciknjaripe savo e Rroma nakhline ando Dujto themesko maripe thaj dijale tradicionalno melodija.

 

O lil si fundome pe tematika savi sas but kamlini ande 60-te brša ando 20. veko maškar e dasikane Rroma thaj šaj te avel kaj crrdel e cikna andar e Rumunija. E melodija si lini katar jekh kamlimašći đili dasikane rromengo, savi aresli te avel pindžarrdo naisarimašće e filmošće “Perjarja” savesko reditelji si o Aleksandar Petrović, ande savo đilabel e Olivera Katarina.

 

E rromani čhib naj jekhutni lilarimašći čhib, si averčhande lileće verzije, save šaj crra te aven averčhande ando gndipe. O Đarko Jovanović Jagdino ćerrda majbut katar deš ploče, sas ande but themešće bašalimašće maškarimata thaj inćarrda majbut katar mija koncertuja. Mulo ando 26. marto 1985. brš. Prahome si ando Parizo. E Žarkošće čhave, pindžarrde sar “Cigani Ivanovići”, baro populariteto therrdine ande Francusko, a atoska ande purani Jugoslavija, ohtovarrdešte bršengo palune vekosko.

 

O.V.