RROMANO INFORMATIVNO – DŽANGLIMASKO MAŠKARIPE ANDO ŠVEDO

Švedo thaj athoska sikadine o statuso e Rromengo ande Serbija thaj ande AP Vojvodina sar vi e rezultaturja bućaće e Kancelarijaće pale inkluzija e Rromenđi ando proceso majlačharimasko e statusosko e Rromengo. E ćherutne pašo tato thaj ilorutno majnavipe sikadine piri bući numaj vi o statuso Rromane nacionalno minoritosko ando Švedo. Von lipardine o zuralipe katar Švedonengo gavermento ande identifikacija thaj ando agorisaripe problemonengo e Rromengo.

 

Po fundo arlisarimasko informacijengo avilope džiko agorisaripe kaj si e resurja thaj e metodologija e bućaći slične jal ande varesave segmenturja identične so putrel bare šaimata te ćerelpe kupatebućaripe ando angrusnipe majlačharimasko e statusosko e Rromengo.

 

Čhinadinepe kaj katar e rig kale organizacijako boldena e vizita, gîndina thaj lačharena o projekto savo realizuisardasaspe ande Serbija thaj ando Švedo.

 

Rromano informativno thaj džanglimasko maškaripe (RIKC) si jekh kotor e Forosko Malme. Fundosardo si po 2024. brš, athoska si bućarne trin džene - duj Rroma thaj jekh gadžo. Akana RIKC si les 6 bućarne, katar save si 4 Rroma thaj 2 gadže.

 

Po dikhavipe pe godova kaj si RIKC sar institucija kotor foro ske institucijengo, kupatebućaripe e foroske gavermentova si butimaske lačho. Bizo politikaći volja RIKC naštik te avilosas fundosardo, te buhljarel pes thaj te thanjardisavol pes (etabliril pes) sar importantno institucija ando mentisaripe pale manušenđe orte.

 

O agorisaripe problemonengo, po džanglipe therdine ando Švedonengo angrusnipe, arakhadolpe ando holističko thaj interdisciplinarno pašunisaripe Rromane inkluzijako. Godova konkretno semnosarel identifikacija faktorengo save andine džike ekskluzija e Rromenđi andar amalipe thaj dikhavipe lenca.