Duvar therdino oskaro – Majkl Kejn

Lija kotor ande but šela filmurja thaj duvar therda o Oskaro – 1987 (pala Vudi Alenosko filmo „Hana thaj laće pheja“) thaj 2000. („Kućna pravila“), kana medaljava palo vitezo ođarda les e thagarutni Elizabeta Dujti, pala artistimasko filmsko aresipe.

 

Majkl Kejn sas bijando ando južno Londono. Trajisarda ande čorrî bućarimašći familia, o dad lesko bićinda o mačho pe pijaco a dej šîlada. Trajisardine ando skromno bešimasko than. Andar arakhadi mašće rezonurja mištardinepes pe farma ando Norfolk, kana sas Dujto Themesko Maripe.

 

E vordona naj manđe ando intereso – simen, gîndiv pandž automobilurja – pala bućarne ćherešće, ćindipe thaj gajda. Me či tradav – tradel o šofero, ando cikno Leksus pala savo khonik nisar či boldelape. Kana semas majterno, tradam Rols Rojs, no ađes godova naj manđe pe gođi – godova vordon ispidel e jakha themešće ando savo trajisaras. Vi ađes sima sumnakuno Roleks, dićhen kaj pe vast inđarav obično, kalo, plastično sato. Sa godova rošipe či trubulma.

 

Ando kava brš o Majkl Kejn čhinada te džal ande penzija. „Akana najma but ambicije. Sa so ćerdam dži akana si filmurja. Ando sa jekh filmo dijem kamimasa. Jal te therav Oskaro jal te therav love. Godova si duj fundošće rezonurja pala soste vi ćerdem e filmurja. Therdem duj dipe „Oskar“ thaj sima love kozom trubul ma. Gatisardo sam te crdav man thaj majbut či ćerava e filmurja“ mothoda o Kejn.