Vakti: 1 min.
Artisto, đilabarno, fotografo, ramosarimatari
Vakti: 1 min.
Julij Borisovič Briner (rus. Юлий Борисович Бринер) (1920-1985), majpindžardo sar Jul Briner (eng. Yul Brynner), si manuš kašći biografija si but barvali, a trajosko drom but interesantno. Sas maškar majlačhe artisturja, đilabarno, fotografo, a pala godova si „došalo“ vi lesko rromano bučumo. Lešći dej sas rusijaći Rromnji.
Foto: Pinterest.de
Bijando si ando Vladivostok, ande Rusija. E dej katar Jul Briner (Marusja Blagovidova) sas e čhej katar rusijako sastarno, a o dad (Boris Briner) sas o inženjero. O artisto inćarel alav sar vi lesko papo katar dadešći rig. Brinersoko dad mekhla piri familija, gajda kaj e dej musaj te korkorro lel sama pala leste thaj lešći pen.
Talo Dujto themesko maripe Brinerošći familija džal ande Amerika, kaj vo bućarda sar radijsko žurnalisto po radio „Glas Amerike“. Bućarda sar vi tradimatari kaminosko ando dromarimasko teatru Mihailo Čehovosko, a paralelno godoleja, sas vi pe časurja pale gluma. Teljarda te sikavelpes po Brodvej thaj te bućarel sar modelo. Angluni rola therda ando 1941. brš ande Šekspirešći drama Dvanaesta noć. (Dešudujto rjat).
Po filmo, ćerda bari karijera. Sas ande majbut katar štarvardeš filmurja. Sas ande antologijske filmurja: Deset zapovesti (1956), Anastazija (1956), Braća Karamazovi (1958), Sedmorica veličanstvenih (1960), Taras Buljba (1962) . Majpaluni rola sas ando filmo Futureworld (1976). Rola katar faraono ando filmo Deset zapovesti, lešći pindžaripe areslo majvučo nivelo.
Jul Briner sas vi ando filmo sar komandiro katar inžinjerijsko kotor savo harada o podo pe Neretva, ando filmo katar Veljko Bulajić “Bitka na Neretvi” andar 1969, brš, a tale kaja rola sas vi majpindžardo amare publikaće.
Lešći čhej Viktorija ćida e pilte katar lešći familija, amala thaj artisturja, sar vi kola sabe vo ćerda kana bućarda sar spšecijalno konsultanto Jekhetane nacijendar pale našavde. O lil akharda: Jul Briner: fotograf, (Yul Brynner: Photographer).
Nevimata save si povezime
