EU thaj Evropako Konsilo: Romani edukacia ključno te marelpe kontra e diskriminacia

24/03/25 | 10:51

Vakti: 2 min.

Jekhutno programo e Evropaki Uniatar thaj Evropako Konsilo anavkerdo sar “Bisterdipe thaj Edukacia upral o Romano Holokausto (Roma-Memoria)” ofisionalno lansirinela ko Maj 2024, planirimo duripe duje beršengo.

Foto: Kancelarija za inkluziju Roma

O programo sas kerdo te vazdel o djanglipe pa romengi historia, lengi kultura, thaj pa tragicno dukh kana sas o holokausto.

Angluni konferencia ikerdili 11 thaj 12 juni 2024 ando Strasbourg, sar kotor katar o 17-to kidipe e Evropako Konsilosko dialogo e Romane thaj Phirutne civilno societatea, anavkerdo sar "Sikavipe e Romane Historiako: Bisterdipe, Prindžaripe thaj Edukacia pala o Romano Holokausto".

O projèkto Roma-Memory si ključno kotor andar EU thaj Evropako Konsilo strategijengo fokusirime po mamuj diskriminacija thaj anticiganizmo, sar prioritetno objektivo ando EU Strategikano Ramo pale Rromengo Jekhipe, Inkluzija thaj Participacija, sar vi ando Konsilo Evropako Strategikano Akcijako Plano pale Rromengi Inkluzija (2020-2025).

Prekal akava proekti ka ovel formirimi Evropaki koalicia savi ka kerel jekhipe e buti e maškar-govermentalno organizaciengo thaj e romane organizaciengo, resarin te keren koordiniribe e inicijativengo ko umal taro semiripe taro Romano Holokausto thaj edukacia bašo odova.

Paše odova, o projèkto ka laćharel i kooperàcia e mediença, e siklǎripnasqe institucienθar, sar vi e romane ternenge organizacienθar, akcentosa te maj laćhes informisarel pes i publika pal-e dukh e rromenqi anθ-o vaxt e Holokaustosqo. Akcie andar o programo Roma-Memory kamen te zuraren e kapacitetura e edukatorenge thaj e žurnalistenge, thaj te lačharel pes o arakhipnaskoro ažutipe pala sikavipe pala introdukcia e romane historijaki thaj o Holokausto ande edukaciake sistemura katar e thema save si membrura ande EU.

Ki target grupa akale proektesko siton EU-ske thema, edukaciake institucie, politikune kerde, sikavne, žurnalistya, sar ini romane civilune organizacie, specialune odola kola kerena buti e ternencar.

O programo Roma-Memorija isi le potencijalo te vazdel signifikantno o džanglipe bašo Romano Holokausto thaj te del kontribucija te zurarel pes i inkluzija e Romengi ko Evropake societetura. Prekal edukacia thaj kooperacia e medijenca, o projèkto kamel te phagavel o anglodipen thaj i diskriminàcia mamuj i rromani komunitèta, te bistrel amenqe o importanto te na bistrel pes o dukh kotar o nakhlo vràma.

O.V.