Themesko Romano Kulturako thaj Muzikako Festivalo ano Skopje: Tradicionalno Romano Bal

Akava kulturako kedipe lelape kotar o Amdi Bajram ko 1979. berš, thaj ikerel pe pobuter taro štar dekada sar simboli bašo arakhibe thaj promoviribe e Romane kulturake. O Amdi Bajram, savo sine membro e parlamentesko pobuter taro 20 berša, dži ko 2006. berš, mukla baro dumo ko organiziribe asavke eventija. Palo oleskoro meripe i tradicia te ikerel pe o evento lija oleskero čhavo o Gabriel Bajram, kova džal angle piri misija te arakhel o romano kulturako barvalipe.

 

Kadale beršesko festivalo anel diverziteto kulturako programo, ande forma katar workshopura thaj lekcije pale kultura thaj tradicije katar romano khetanipe ande kava regiono. O šerutne čerxaja tari večera ka oven o Tea Tairović, o Alid, o Muharem, o Điovani, jekh gosto tari Grecia Stavros Pazarentsis, sar ini baro gendo performancura tari tradicionalno romani muzika: o Ahmet, o Ramko, o Perat, o Ervin thaj o Isidor Zežirović pire trubajasa orkestro.

 

Jekh specialno baxtagor e raćako ka ovel i tradicionalno selekcija baši majšukar romani džuvli. Ande kado bersh site aven romane djuvla anda panch europake thema, thaj e maj shukar shejori lela jek barvalo prisfond.

O evento kamel te arakhel thaj te promovirinel o barvalo romano kulturako barvalipe, thaj te inkurajirinel interkulturako dialogo thaj haćaripe maškar e manuša kotar o Balkan. E participantura ka ovel len shaipe te prezentirinen buteder muzikake stilija, kheliba thaj obichaja so si karakteristikane e romane komunitetake.

 

Paše e muzikake performanse, ano programo inćarel ekspozicie, workshopura, thaj panel diskusie dedikuime e historijake, tradiciake, thaj akanutne pharipa save si anglal e Romane komuniteta. Aźukerel pes i prezenca bute artisturenqi, kulturalne butjarnengo thaj muzikake amalenqi katar diferentne thema, so del kontribucia te zurarel pes e kulturalne phanglipa thaj kooperàcia ano regiono.

 

O organizatorija akcentirinena kaj o Evropako Romano Festivalo bašo Kultura thaj Muzika ačhilo sar semno evenimento ki kulturaki mapa taro Balkani. Akale beršesko kedipe aźukerel pes te astarel baro numero e vizitorengo thaj e medijengi atencija, maj dur te lel sama pe importanca te arakhel pes thaj te vazdel pes o kulturako diverziteto.

 

O bileti vash o kedipe shay te kinenpe prekal o ofisionaluno web rig e hotelesko “Aleksandar Palace” thay ano thana e bikinipesko ano Skopje. O organizatoria akharen sa e interesime manushen te aven thaj te den suporto pe akaja unikalno festivitate e romane kulturake thaj muzikake.

 

O.V.