Sikavipe pe romani čhib ande Vojvodina: Čačimata thaj propozalurja pala lačharipe

Ano Lolo Salono pokrajinako gavermento Vojvodinako ikerda pes butjarno khedipe telal o anav "Sanse thaj pharipa ando sikavipe e romane čhibjako ande fundone škole ande Vojvodina". Organizatori e keribasko sasa o Konsilo pale integracija e Romengo, thaj e kotorleutne prezentisarde ključne problemura thaj propozalurja palo lačharipe sikavimasko pe rromani čhib, importantno segmento pala arakhipe e rromane kulturako thaj identitetosko.

 

Ano kedipe lela kotor reprezentya kotar o Nacionaluno konsili e Romane nacionalune minoritetesko, mashkar lende o Dalibor Nakić, prezidento e Nacionalune konsiliesko, Aleksandar Radulović, prezidento e Ekzekutivune bordesko, thay o Bajram Morina, generaluno sekretari. Ko than sine vi romane čhibjakere sikavne taro fundone škole an i sasti Vojvodina.

 

O Dalibor Nakić dende akcento pe formalo sićope ande dajaći čhib:

 

„Sikavipe pe romani čhib nane numa edukativno, numa thaj kulturako prioriteti. Amaro ciljo si te das maj laćhe kondicie vaś e buti e siklărnenqi thaj te źutisaras sajekh anθ-e projèktură thaj instituciàlo inisiàtive."

 

Jekh taro ključne propozalija sine formiribe e Aktivno romane čhibjakere sikavnenge, so ka del šajipe te ovel khetani sikavibe anglal o Ministeriumi baši Edukacija thaj aplikacia bašo adikeribe love. Sas vi propozalo te zurarel pes e kooperacija e Nacionalno konsilosa, savo ka del suporto trujal e rekomodacije thaj participacija ande projektura pala arakhipe e romane čhibjako.

 

Jelena Jovanović, pokrajinako deputati thaj membro taro Konsilo akcentirinela o importantno te integririnel pe i romani čhib ko sikljovibaskoro sistemi:

 

“Trubul te das resurse thaj sistemsko suporto e sikavnenge e romane čhibjake, soske akava si fundo bašo arakhibe e čhibjakere thaj kulturako, numa thaj bašo socijalno integracija e terne generacijenge.”

 

E sikavne ulade pire eksperiencije thaj sikade o bibućaripe e sikavne materijalengo thaj resursengo. O Aleksandar Stojkov sikamno pe romani chib phenlas kade.

"Si importantno te avel amen maj but chavorenge treningura thaj sitjarimasko lil te avel o sicharipe maj interesno thaj efektivno."

 

Bućarimasko kidipe ande Pokrajinako Gavermento thovdas fundo pala majdur buhljaripe thaj lačharipe sikavimasko pe rromani čhib. O kotorleutne sine ko jekhipe kaj trubul koordiniribe maškar o sikavne, institucie thaj o Nacionalno konsilo te šaj te del pe pošukar suporto bašo arakhibe e romane čhibjakere thaj kulturake. E avutne pasura si te formirinen pes e Sikavneske Barvalimata thaj te keren pes khetane projektura vash o lačharipe e edukaciako.

 

A.N.