Evropaki konferencia RESUME: Zuraripe e maškarthemutne kooperaciako ane rig e socialno inkluziako

O RESUME Evropaki Konferencia ikerdilo ano Kishunkalash, Ungro, organizirimi kotar e Njamcikani na-govermentalno organizacia "JugendStil" thaj e Ungrikani organizacia "Heed". Ani konferencia lela khetane buteder organizaciye kotar ververutne kotora e Evropake, mashkar lende reprezentya kotar Srbiya, Slovenia, Slovakia, Grecia, Makedoniya, Italia, Germania thay yaver thema e Evropaki Unia, resarin te zorargyol kooperacia ano kotora e ternenge butyake, socialune inkluzia thaj khetani Evropake programura, sa specialo fokusosa pe romani komuniteta.

 

Mashkar odola so sine ko than sine delegacia tari „Evropaki Romani Organizacia (ERO)”, ko sherutnipe taro prezidento Haris Jelenc Tahirović, projektesko menadžeri Žiga Stajnaher thaj generalno sekretari Milorad Popović. Pe trin diveseskoro eventi, “ERO” prezentingya pere anglune proyektya thay vizia vash avutne aktivitetya, kote akcentingya o vasnipe e Evropake iniciativengo ano kola lela kotor.

 

Jekh taro ključna cilja e konferencijake sine o netvorko thaj konekcia e organizaciencar taro diferentno Evropake thema, te šaj te resel pe khetani kooperacia bašo socijalno inkluzijakere projektia taro marginalizirime grupe, specijalno taro Roma.

 

Ano vahti e konferencako, “ERO” vakergya kay lela kotor ano nesave avutne mashkarthemutne proyektya, kola may dur zurargyona piri pozicia sar yekh vashno partneri ano Evropake programya.

 

Ano agorutno kedipe, reprezentya organizaciyengo kotar Germaniya, Ungriko Them thay Slovenia resle ano yekhipe vash nesave khetane iniciative. Pe odova okazia o Milorad Popović akcentingya o vasnipe vash te kerel pe yekh romani mediaki platforma, vakergya vash o Nacionaluno Asociipe e Romane zhurnalistyengo thay kooperacia e portaleya “Romanevimata.rs”, kova kerela buti ano rango e mediako kompaniako Telegraf.rs.

 

Prezidenti Haris Jelenc Tahirović vakergya sastipe vash o resle akordipya, kote akcentingya kay mashkarthemutni kooperacia sito klyuchno vash te laqhargyol pozicia e romane komunitetesko ani Evropa.

 

I Evropaki RESUME konferencia sikavda kobor si importantno o netvorko e organizaciengo ko Evropako nivelo, maj but ko konteksto e socialno inkluzijako thaj suporto e marginalizirime grupenge. Kooperacija maškar e organizacije katar averčhande thema na numa del kontribucija te resljarel pes jekhutne problemura, no vi del neve šajimata pala lačharipe pozicijako e romane komunitetosko prekal khetane Evropake projektura.

 

O.V.