KAMIPE ČHUTINO ANDE BUĆI BOLDELPE
0
Vakti: 1 min.
Bare kamimava pale natura thaj sa so bijandilo naturane, bijandili vi e “Krasula naturano araćhipe”kozmetika. E firma lija kava alav po majkamlino luluđi e šerutnjako Miroslavako Živanović.
Foto: Kancelarija za inkluziju Roma
Mungrro alav si Miroslava Živanović. Rromnji sem. Mungrro bućarrno akharipe si kozmetičarka thaj godole bućava ćeravas prekal 20 brš. Sasman mungrro kozmetikano salono thaj šukaravas e forutne, dinivama e bućako palo araćhipe e mujesko thaj truposko. Ando svato e klijentkinjenca dikhlem o trubulipe kaj sa e rromnja kamlinesas te maćhenpe, numaj po naturano, nainvazivno nakhavipe.
Te teljarav mungrre bućava avilem po gndo abde vrjama kana sas e korona. Savorra samas ande phandadino than thaj dikhasas pala amaro sastipe. Me mungrro astaripe rodem ande natura thaj sajekh đes semas ande natura thaj phirrdem pašo Dunavo.
Svato si pale naturane kozmetikane preparatuja po fundo katar e biljne thaj eterikane čićena thaj hidrolatuja. Sa mungrre buća ćerenpe vastenca ande cinorre serije, a sa si 100% naturane. Sirovine ćinav katar e poljoprivredne ćhera thaj sikadile vuče kvalitetova. Paćav kaj si pale amari morći sasteveste samo naturaće preparatuja. Holistikano dićhipe palo šukaripe thaj sastipe saveja inćarrdav vi ande mungrro trajo, nakhadem vi pe mungrri bući. Trubul te arakhasme andral, te avilosas dikhlino avrjal. Bi pozitivno ođako, naj ni pozitivno energija, ni šukaripe.
Gajda palem, vasno si te paćan ande peste. Te avile ando šajipe te teljaren neve bućava vasno si te paćan ande tumende, kaj godova paćape delamen zor. Džiko lačho rezultato avelpe butbršenđe bućava thaj muklimava. Sa dino uvek boldelpe.