AŽUTIPE E ČHAVORRENĐE ANDO SIĆOPE
0
Vakti: 1 min.
Ekumenikani humanitarno organizacija andar o Novi Sad (EHO) nakhavel o program „Dinipe pherrdimašće ažutimasko ando sićope e čhavorrengo andar e dukhavne kupe sar andipe sar kotor e projektosko „Socijalno inkluzija e Rromenđi thaj aver dukhavne kupe ande Srbija 2019 – 2024.“.
Foto: Kancelarija za inkluziju Roma
Trujal o ažutipe katar e švajcarsko ćidipe HEKS/EPER ramosarrda o sporazumo e Opštinava Žabalj, Maškarimova palo socijalno ažutipe andar o Žabalj, FS „Miloš Crnjanski“, Žabalj, FS „Jovan Jovanović Zmaj“, Đurđevo thaj Kancelarijava pale inkluzija e Rromenđi APV.
Sajekh čhavorre trubul dino šajipe. Godova si kova so amen das kale projektova. Ažutipe e čhavorrenđe thaj lenđe familijenđe savo das, pala lende si baro dumo, a amenđe crra dine vrjamako thaj bućako.
Pala mande si kava projekto but importantno paso palo majlačho avutnipe e čhavorrengo save si ando pharipe katar o socijalno inklistipe čhutimava e akcentosko po sićope thaj agoripe fundošće sikavnjako. Sajekh čhavorro si importantno thaj sajekh arrlipe si barimasko. Sar tutorka pe kava projekto but si lačho pala mande o therrdo sikavipe savo therav ande buće e čhavorrenca, a sajekh dićhipe lenca sajekh đes pherelman.
Trujal o projekto ažutis e čhavorren andar e dukhavne kupe te majloće aresen sikavnimasko inćaripe. Dži ko 1. septembri amalisavos ando sikavno than, kaj ketane e bućarnenca Jelenava thaj Tijanava ćeras radionice thaj dikhas te e čhavorra amenca haćarrdonpe tromale, te kamen te palem aven thaj te džanen kaj silen vareko ko gndil pe lende.
Kava si jekh šukar haćaripe thaj gndiv kaj ando avutnipe avela majbut kasave projektuja saven si pala o kamipe te ažutin e čhavorren andar e dukhavne kupe džikaj trajil lengo sićope kaj gndiv kaj trubul len ažutipe“, mothoda jekh katar e tutorke.
O.V.