DINI E PLAKETA PALO AŽUTIPE ANDE INTEGRACIJA THAJ VAZDIPE E THANESKO E RROMENGO
0
Vakti: 1 min.
Šerutne pe Pokrajinako gavermento sas delegacija Nacionalne konsilosko rromane nacionalne minoritetonengo inćarrde e šerutneja saveja dija svato pale integracija rromane nacionalne minoritetonengo, ulade ande kotora palo sićope, bućaripe thaj socijalno statuso.
Foto: O.V.
Kale šajimasko, e v.d. šerutnjako pe Kancelarija pale inkluzija e Rromenđi AP Vojvodinako, Ljiljana Mihajlović dija e šerutnešće e plaketa palo ažutipe ando proceso e integracijako thaj vazdipe e thanesko e Rromengo ande Vojvodina.
Po bešipe inćarrdo ando Pokrajinako gavermento inkaldo si kaj ande nakhle brš ćerrdine bare miškomata kana si svato pale uslovuja e trajošće e Rromengo.
Pokrajinako gavermento si posvetimo ando nakhavipe e programonengo save anen so majlačho malavipe rromane nacionalne minoritetonengo, numaj vi sa aver nacionalne minoritetonengo save trajin ande Vojvodina“, mothoda o šerutno.
- Ađes si šajipe te dasme gođi so ćerrdam thaj so trubul te ćeras pale integracija e Rromenđi“, mothoda o šerutno po Nacionalno konsili rromane nacionalne minoritetonengo o Dalibor Nakić thaj inkalda kaj si o ažutipe e Pokrajinaće gavermentosko ande godova proceso but importantno.
O.V.