E RROMA, VAREKANA THAJ AKANA

O Rajko Đurić, bijando si 3. oktobri 1947. ando Malo Orašje, ande Republika Srbija. Po Filozofsko fakulteto ando Beogrado, diplomirisarrda 1971. brš, a o doktorte dij gata pe godova Fakulteto 1985. Sas kooperanto ande Dasikani akademija palo gođaveripe thaj artistipe (SANU), savi inkalda lesko lil Rromane zagonetke.

 

Ande ćidine lilarimata katar SANU inkaldo si baro đindo lešće ramosarimatengo pale kultura thaj holokausto e Rromengo. O Rajko Đurić sas autori majbut katar 30 lila e điljengo, džanglimašće ramosarimasko thaj publicistikane bućengo, save sas inkalde ande raštre palune Jugoslavijako, Austrija, Francija, Hrvatsko, Italija, Japano, Mađarsko, Makedonija, Nemačko, Poljsko, Rumunija, SAD, Slovenija, Španija thaj Bari Britanija.

 

Sas vi šerutno pe Maškarthemutni rromani unija thaj generalno sekretari Rromane maškarimosko Maškarthemutne PEN maškarimosko. Sas vi, paše aver vi dikhljarrdo ando Parlamentosko Republikako Srbijako thaj šerutno pe Internacionalno rromani unija. Jekh katar lesko majimportantno ramosaripe si e Istorija e Rromenđi, sar vi Istorija rromane lilarimošći thaj Istorija katar o holokausto e Rromengo.

 

Autori si e Gramatikako rromane čhibjako, a ćerrda vi e studij Rromane glagoluja, lenđi cikna thaj ko si, save sikaven angluno gođako-rodimasko bućaripe kasave kotoresko ando them. Nakhavelas thaj sas strukako kooperanto ando filmo “Skupljači perja” (kola save ćiden e por), katar o Aleksandro Saša Petrović, thaj ketane e Gordanova Mihićeja thaj Emirova Kusturicava sas koscenarista e filmosko “Dom za vešanje”, ande savesko nakhavipe ćerelas sar kova savo nakhavel thaj strukako kooperanto. Sas sikavno pe but evropaće univerzitetuja.

 

Dr Rajko Đurić si autori e „Gramatikako rromane čhibjako“ sar vi e „Istorija e Rromenđi“. Autori si but lilarimašće kotorengo katar save trubul te inkaldon lešće đilja pe rromani čhib. Doktorato dija pe tema „Kultura e Rromenđi ande SFRJ“, a jekh vrjama sas uredniko ando đesutno lil „Politika“.

 

O.V.