Vazdelpe palo sićope e Rromengo thah Rromnjango
0
Vakti: 1 min.
Inkluzivno sićope savo si poteljarrdo ande Srbija maj akana či del kvalitetne rezultatuja kana si ando pučhipe e rromane sikamne.
Foto: A.N.
Inkljen jekh pharimata save si vi gajda ando sićope. Gajda kaj vi ađes si amen nesave uladimašće sikavne thana ande save bičhaldon e rromane sikamne, majbut ande bare foruja. Palem godova si vi fundošće sikavne ande save si majbaro đindo e Rroma, majbut katar 90% rromane sikamne, a godova avilo pale godova kaj aver sikamne thaj lenđe familije rodine tena džan ande sikavni ketane e rromane čhavorrenca.
Vi majdur si baro čhorripe thaj bi interesosko e sikamnengo palo majdur sićope pale godova kaj, kana si e rromane sikamne ando pučhipe, avilo kaj den gata e sikavne thaj kaj najle bućaripe.
Vi paše godova kaj katar e raštra thaj aver maškarthemutne ćidimata si afirmativne mere thaj lovengo ažutipe, gndilpe kaj naj akana jekh majhanduk analiza pale čačutne rezultatuja kasave ažutimasko kaj maškar o them si socinalno logika kaj si mothovipe po nacionalno principo ande gođi thaj kaj pe jekh rig si amen bilačho linipe e identitetosko katar aver them, a pe dujto rig o pharipe rromane sikamnengo te identifikujinpe sar Rroma.
Thaj po agor e agorimasko, sasti avrjaluni politika astarrdo pe rodimata save si ćerrdine thaj ćeren maškarthemutne ćidimata. Kasave rodimata maškarthemutne ćidimata šerutne nakhaven ande nahigijenaće thaj neformalne care thaj lelpe jekh bilačhi pilta pale Rroma.
Kana vareko lel godola informacije thaj čhol len ande praktikane politike či mothol kaj si o rodipe ćerrdino ande nahigijenikane care no godola đinde lel buhle pale sa Rroma. Pe bibah, ni o Zavodo pale statistika savo nakhavel o themesko ramosaripe či delmen dikhlini pilta palo sićope e Rromengo.
O.V.