VRJAMA SAVI AVEL BIPOĆINDIMASKO ORRTALO КО AŽUTIPE
0
Vakti: 1 min.
Ando plano thaj programo pale 2024. brš, jekh katar buća savjaće si dini kazom trubul griža si poteljaripe e bipoćindimašće Orrtale klinikako savi ćerela ande Kancelarija pale inkluzija e Rromenđi.
Foto: A.N.
Sa socijalno dukhavde manušen avela šajipe te jekh data ando kurko đes den svato thaj te inkalen pešće orrtale pharimata, studentonenđe, asistentonenđe thaj profesorenđe pal Fakulteto pale orrte ande Srbija.
Pale kala buća pale patrin „Dekada e Rromenđi ande Srbija“ mothoda o šerutno pe Rromenđi thaj mothoda kaj si e Kancelarija akana ando svato e Fakultetova pale orrte ando Novi Sad trujal o fundosaripe e kotoresko katar e Orrtali klinika ande kaja pokrajinaći institucija.
Katar o dekano, ažućarav te del lačho gndo pe amari ideja thaj kaj e studentuja, asistentuja thaj profesorja jekh data ando kurko đes avena ando Novi Sad, numaj pale inkluzija sar ažutisarrdinesas ande orrtale buća majdukhavne manušenđe.
Studentonen thaj lenđe profesoren majbut bući avela ko araćhipe e Rromengo thaj Rromnjengo katar e diskriminacija pe savo god fundo thaj trujal nakhavipe ćherutne-orrtale pučhimatengo. Dži akana akharrdinemen e manuša averčhande rodimatenca palo orrtalo ažutipe, numaj majbut akharimata sas pale kala duj pharimata, thaj pale godova andam čhinadipe pe poteljaras e Orrtali klinika.
O.V.